Дүртөйлө районы хакимиәте башлығы Риф Йосопов социаль селтәрҙәге сәхифәһендә дан ғаиләләрҙең береһе менән таныштырған. “Бөгөн хәрби хеҙмәтен үтәгән хәрби хеҙмәткәрҙәрҙең ата-әсәһенә килгән рәхмәт хаттарын алыуы бик күңелле. Бына шуларҙың береһе: "Улығыҙ хәрби бурысын лайыҡлы үтәй, уның бөтә ауырлыҡтарын ирҙәрсә ныҡлыҡ менән күтәрә, хеҙмәттәштәре өсөн хәрби оҫталыҡты арттырыуҙа өлгө һәм Ватандың ышаныслы яҡлаусыһы булып тора”. Хөрмәтле Радик Сәлихйән улы һәм Глүсә Фәнүс ҡыҙы! Һеҙ улығыҙ менән ғорурлана алаһығыҙ. Ул үҙенең намыҫлы хеҙмәте менән маҡтаулы һүҙҙәргә һәм иң изге теләктәргә лайыҡлы. Ысын граждан һәм Ватан һаҡсыһы тәрбиәләгәнегеҙ өсөн һеҙгә ҙур рәхмәтемде белдерәм. Һеҙгә сәләмәтлек, именлек һәм уңыштар теләйем!”– тип ысын күңелдән һоҡланыуын белдергән Риф Сәғәҙәтулла улы. Фото: https://vk.com/yusupovrif