“Башҡортостан” гәзитенең “Бәйләнештә” төркөмөндә үткәрелгән бәйгелә ҡатнашҡан Альбина Әнүәр ҡыҙы Садриева үткән быуаттың 90-сы йылдарында хеҙмәт эшмәкәрлеген башлаған. 1999 йылдан алып ул – Нуриман районының Иҫке Күл ауылында фельдшер. Медицина өлкәһендә оҙайлы эшләү осоронда Альбина Әнүәр ҡыҙы үҙен грамоталы, юғары теория белеменә эйә булған, яуаплы, тырыш хеҙмәткәр итеп күрһәткән. Был ғына түгел, ул ауыл биләмәһе депутаты булараҡ та абруй яулаған. Иҫке Күл фельдшер-акушерлыҡ пункты фельдшеры Альбина Садриева өсөн тауыш бирәйек, дуҫтар, лайктар ҡуяйыҡ, комментарийҙар яҙайыҡ. Фото: Альбина Садриеваның шәхси архивынан.