“Башҡортостан” гәзитенең “Бәйләнештә” төркөмөндә үткәрелгән бәйгелә ҡатнашҡан Зинфира Йәнғәле ҡыҙы Аҡсурина – Ейәнсура районы Башҡорт Үргене фельдшер-акушерлыҡ пункты фельдшеры. Ул ошо уҡ райондың Юлдаш ауылында тыуып үҫкән. 8-се кластан һуң, Рәми Ғарипов исемендәге Республика башҡорт гимназия-интернатындла белем алған. Салауат медицина училищеһын тамамлаған һәм тыуған районына ҡайтып хеҙмәт юлын башлаған. 1988 йылдың 1 авгусында Башҡорт Үргене фельдшер-акушерлыҡ пунктында фельдшер булып эш башлай. 2007-2008 йылдарҙа Медногорск ҡалаһында “Фельдшер” белгеслеге буйынса белемен камиллаштыра. Зинфира Йәнғәле ҡыҙы – ике ул, бер ҡыҙ әсәһе. Ире – балта оҫтаһы. Өлкән улы – программист, икенсе улы мобилизациялана һәм әле – Донецк өлкәһендә. Ҡыҙы – Сурғут ҡалаһында шәфҡәт туташы. Балалары ла ата-әсәһе кеүек уңған, егәрле. Ғүмерен медицинаға арнаған, тыуған еренә тоғролоҡ һаҡлаған, күп балалы әсә Зинфира Йәнғәле ҡыҙы өсөн тауыш бирәйек, дуҫтар! Етеп килгән һөнәри байрамы айҡанлы иң изге теләктәребеҙҙе юллайыҡ, лайктар ҡуяйыҡ. Фотолар: Зинфира Аҡсуринаның шәхси архивынан.