Башҡортостан Башлығы Радий Хәбиров республика халҡын Рәсәй көнө, милли батырыбыҙ Салауат Юлаевтың тыуыуына 270 йыл тулыу һәм баш ҡалабыҙ Өфөнөң тыуған көнө менән ҡотланы. Унда түбәндәге юлдар бар: “Хөрмәтле ватандаштар, ҡәҙерле дуҫтар! Ысын күңелдән Рәсәй көнө, милли батырыбыҙ Салауат Юлаевтың тыуыуына 270 йыл тулыу һәм баш ҡалабыҙ Өфөнөң тыуған көнө менән ихлас күңелдән ҡотлайым! Башҡортостан халҡы күп быуаттар элек үҙ яҙмышын бәйләгән Рәсәйҙең мең йыллыҡ тарихы менән ғорурлана. Беҙҙең республика һәр ваҡыт илдең ышаныслы терәге булды һәм буласаҡ. Был ауыр осорҙа Салауаттың вариҫтары – «Башҡортостан» полкы һәм исемле ирекле подразделениелар хәрбиҙәре, контрактсылар Һәм мобилизацияланғандар Ватанды намыҫ менән яҡлай. Беҙ яугирҙар менән ғорурланабыҙ, уларҙың ғаиләләре хаҡында хәстәрлек күрәбеҙ, йәштәрҙе яҡташтарыбыҙҙың ҡаһарманлыҡ өлгөһөнә таянып тәрбиәләйбеҙ. Ағымдағы йыл – баш ҡалабыҙ өсөн юбилей йылы. Өфө - Рәсәйҙең ҡиммәтле ынйыларының береһе. Хеҙмәт батырлығы ҡалаһы үҙенең 450 йыллығын яңы ҡаҙаныштар, ҙур төҙөлөштәр, төҙөкләндерелгән урамдар һәм ихаталар менән ҡаршылай. Тыуған республикабыҙ һәм Бөйөк Рәсәйебеҙ үҫеше хаҡына артабан да бер көс булып тупланып, берҙәмлек һәм фиҙәҡәр хеҙмәтебеҙ менән яҡты киләсәкте төҙөйәсәкбеҙ. Барығыҙға ла һаулыҡ, именлек, яңы уңыштар, бөйөк дәүләтебеҙ хаҡына яңынан-яңы ҡаҙаныштар һәм ҙур еңеүҙәр теләйем!” Фото: glavarb.ru