Башҡортостан Башлығы Радий Хәбиров Хөкүмәттең аҙналыҡ кәңәшмәһе барышында тағы бер тапҡыр мөһим тема – дистанциялы мутлашыусылар менән көрәште күтәрҙе. Ҡыҙғанысҡа ҡаршы, был проблема әле һамане хәл ителмәгән, бер аҙна эсендә генә лә республика кешеләре енәйәтселәргә 70-100 миллион һум аҡсаһын күсерә. – Бөтә ауыл советтарында башлыҡтар йыйылыштар һәм сходтар үткәрергә тейеш, һәр кемгә мәғлүмәт-технологик коммуникациялар өлкәһендәге енәйәттәр тураһында аңлатырға кәрәк. Интернетта мутлашыусылар көн һайын алымдарын үҙгәртеп тора. Улар тоҙағына башлыса пенсионерҙар, финанс мәҙәниәте булмаған кешеләр эләгә. Уларҙы алдайҙар, көн һайын 15-20 миллион һум аҡсалары ВСУ-ға ярҙамға китә, – тине Радий Хәбиров. Радий Хәбиров Силәбе өлкәһен миҫалға килтерҙе, унда мутлашыусыларға ҡаршы көрәш буйынса тотош бер программа ҡабул иткәндәр. Уның нигеҙендә – финанс белеменә уҡытыу һәм пропагандалау. “Программа әҙерләгеҙ, һуҙмағыҙ, – тине республика етәксеһе. – Кешеләр ҡот осҡос хәлдә ҡала. Эш шулай ойошторолғ