Һарымһаҡтың уҡтары күренеүе шатланырға бер сәбәп! Ни өсөн тиһегеҙме? Сөнки уларҙан ҡышҡылыҡҡа хуш еҫле һәм тәмле ризыҡтар әҙерләргә мөмкин. Бына бер нисә рецепт, уларҙы иҫтә ҡалдырырға кәрәк. Беренсеһе аҡ май ҡулланып. Бер үк күләмдә май һәм уҡтар, тоҙҙо тәменсә алығыҙ һәм бөтәһен дә блендерҙа үткәрегеҙ. Бик тәмле килеп сыға! Был майҙы икмәккә һөртөп йәки төрлө ризыҡтарға, мәҫәлән, бешерелгән картуфҡа йәки иҙмәгә өҫтәп була. Икенсе вариант - зәйтүн майы менән, салаттар өсөн бик яҡшы өҫтәмә. Кедр сәтләүеге өҫтәү был майға айырыуса тәм бирә. Тағы бер вариант - ит турағыс аша үткәреп бәләкәй контейнерҙарҙа туңдырғыста һаҡларға. Ҡышын ашҡа һәм башҡа ризыҡтарға өҫтәргә мөмкин. Фото: vk.com/wonderful_garden_ru