По ссылке на страницу последования богослужения можно скачать в разных форматах службу на 24 июня 2024 года: Понеде́льник Пятидеся́тницы. День Свято́го Ду́ха.
Прямая ссылка на полное последование богослужения 24 июня 2024 г. на резервной странице.
Резервная страница проекта: https://posledovanie.my1.ru/index/0-2
Телеграм канал проекта https://t.me/posledovanie/
Телеграм чат https://t.me/ChatPosledovanie
Поддержать Последование: молитвой, репостом, добрым словом или материально: http://posledovanie.ru/pomoshch-saytu/
Избранные тексты богослужения:
Тропа́рь Пятидеся́тницы, глас 8:
Благослове́н еси́, Христе́ Бо́же наш,/ И́же прему́дры ловцы́ явле́й,/ низпосла́в им Ду́ха Свята́го,/ и те́ми уловле́й вселе́нную,// Человеколю́бче, сла́ва Тебе́.
Конда́к Пятидеся́тницы, глас 8:
Егда́ снизше́д язы́ки слия́,/ разделя́ше язы́ки Вы́шний,/ егда́ же о́гненныя язы́ки раздая́ше,/ в соедине́ние вся призва́,// и согла́сно сла́вим Всесвята́го Ду́ха.
Проки́мен понеде́льника Пятидеся́тницы, глас 6:
Спаси́, Го́споди, лю́ди Твоя́/ и благослови́ достоя́ние Твое́.
Стих: К Тебе́ Го́споди воззову́, Бо́же мой, да не премолчи́ши от мене́.
Апо́стол:
Чте́ние дня (Еф., зач.229: гл.5, стт.9-19):
Бра́тие, я́ко ча́да све́та ходи́те: [Плод бо Духо́вный есть во вся́кой благосты́ни и пра́вде и и́стине:] Искуша́юще, что есть благоуго́дно Бо́гови. И не приобща́йтеся к дело́м непло́дным тмы, па́че же и облича́йте. Быва́емая бо о́тай от них, сра́мно есть и глаго́лати. Вся же облича́емая, от све́та явля́ются: все бо явля́емое свет есть. Сего́ ра́ди глаго́лет: воста́ни, спяй, и воскресни́ от ме́ртвых, и освети́т тя Христо́с. Блюди́те у́бо, ка́ко опа́сно хо́дите, не я́коже нему́дри, но я́коже прему́дри, искупу́юще вре́мя, я́ко дни́е лука́ви суть. Сего́ ра́ди не быва́йте несмы́сленни, но разумева́юще, что есть во́ля Бо́жия. И не упива́йтеся вино́м, в не́мже есть блуд, но па́че исполня́йтеся Ду́хом, глаго́люще себе́ во псалме́х и пе́ниих, и пе́снех духо́вных, воспева́юще и пою́ще в сердца́х ва́ших Го́сподеви.
Аллилуа́рий понеде́льника Пятидеся́тницы, глас 2:
Стих: Поми́луй мя Бо́же, по вели́цей ми́лости Твое́й.
Стих: Не отве́ржи мене́ от лица́ Твоего́ и Ду́ха Твоего́ Свята́го не отыми́ от мене́.
Ева́нгелие:
Чте́ние дня (Мф., зач.75, гл.18, стт.10-20):
Рече́ Госпо́дь: блюди́те, да не пре́зрите еди́наго [от] ма́лых сих: глаго́лю бо вам, я́ко а́нгели их на небесе́х вы́ну ви́дят лице́ Отца́ Моего́ Небе́снаго. Прии́де бо Сын Челове́ческий взыска́ти и, спасти́ поги́бшаго. Что вам мни́тся? А́ще бу́дет не́коему челове́ку сто ове́ц, и заблу́дит еди́на от них: не оста́вит ли де́вятьдесят и де́вять в гора́х, и шед и́щет заблу́ждшия? И а́ще бу́дет обрести́ ю́, ами́нь глаго́лю вам, я́ко ра́дуется о ней па́че, не́же о девяти́десятих и девяти́ не заблу́ждших. Та́ко несть во́ля пред Отце́м ва́шим Небе́сным, да поги́бнет еди́н от ма́лых сих. А́ще же согреши́т к тебе́ брат твой, иди́ и обличи́ его́ между́ тобо́ю и тем еди́нем. А́ще тебе́ послу́шает, приобре́л еси́ бра́та твоего́. А́ще ли тебе́ не послу́шает, пойми́ с собо́ю па́ки еди́наго или́ два, да при усте́х двою́ или́ трие́х свиде́телей ста́нет всяк глаго́л. А́ще же не послу́шает их, пове́ждь це́ркви; а́ще же и це́рковь преслу́шает, бу́ди тебе́ я́коже язы́чник и мыта́рь. Ами́нь бо глаго́лю вам: ели́ка а́ще свя́жете на земли́, бу́дут свя́зана на Небеси́, и ели́ка а́ще разрешите́ на земли́, бу́дут разреше́на на Небесе́х. Па́ки ами́нь глаго́лю вам, я́ко а́ще два от вас совеща́ета на земли́ о вся́кой ве́щи, е́же а́ще про́сита, бу́дет и́ма от Отца́ Моего́, И́же на Небесе́х. Иде́же бо еста́ два или́ трие́ со́брани во и́мя Мое́, ту есмь посреде́ их
Задосто́йник Пятидеся́тницы:
Припев: Апо́столи, соше́ствие Уте́шителя зря́ще, удиви́шася,/ ка́ко в ви́де о́гненных язы́к яви́ся Дух Святы́й.
Ирмос, глас 4: Ра́дуйся, Цари́це,/ Матероде́вственная Сла́во,/ вся́ка бо удобообраща́тельная благоглаго́ливая уста́/ вити́йствовати не мо́гут,/ Тебе́ пе́ти досто́йно,/ низумева́ет же ум всяк Твое́ Рождество́ разуме́ти.// Те́мже Тя согла́сно сла́вим.
Прича́стен Пятидеся́тницы:
Хор: Дух Твой Благи́й наста́вит мя на зе́млю пра́ву.
Аллилу́ия, аллилу́ия, аллилу́ия.