“Һаулыҡ һаҡлау” милли проектының тәүге звеноны яңыртыу програмаһына ярашлы, Өфөләге Дим районы ҡала клиник дауаханаһына үҙебеҙҙә етештерелгән өс автомобиль алынды. Программаның маҡсаты – халыҡҡа медицина ярҙамын яҡынайтыу. Яңы транспорт уңайлылығы, ныҡлығы һәм ҡулланыуҙа ябайлығы менән айырыла. Өҫтәүенә яғыулыҡты аҙ тотона. Автомобилдәрҙе халыҡҡа кисектергеһеҙ ярҙам күрһәтеү өсөн файҙаланасаҡтар. "Яңы автомобилдәр беҙгә кисектергеһеҙ медицина ярҙамын һиҙелерлек яҡшыртырға мөмкинлек бирәсәк", – тине ҡала клиник дауаханаһының баш табибы Фәнил Шәмиғолов. 2023 йылда Рәсәйҙә 1,2 меңдән ашыу тәүге звено объекттары төҙөлдө, 1,5 мең бинаға капиталь ремонт үткәрелде һәм өс меңдән ашыу берәмек автомобиль транспорты алынды. Рәсәй Президенты Владимир Путиндың май указдарына ярашлы, 2024 йылға ил үҫешенең төп маҡсаттарына өлгәшергә кәрәк. Шуларҙың араһында халыҡ һанын арттырыу, граждандарҙың тормош сифатын яҡшыртыу, иҡтисадҡа һәм социаль өлкәгә һанлы технологияларҙы индереү мөһим бурыстар булып тор