Башҡортостан Республикаһы Финанс министрлығы ойошмаларҙы һәм шәхси эшҡыуарҙарҙы йыл һайын үткәрелеүсе «Йыл һалым түләүсеһе» республика конкурсында ҡатнашырға саҡыра. - Конкурстың маҡсаты - һалым дисциплинаһының юғары кимәле һәм бизнесының асыҡ алып барылыуы менән айырылып торған, тупланма бюджет һалымдарын арттырыуҙы, республикабыҙ граждандарының мәшғүллеген һәм үҙ предприятиеларында эш хаҡы фондын арттырыуҙы тәьмин иткән уңышлы һалым түләүселәрҙе асыҡлау һәм дәртләндереү. Үҙ сиратында, республика яуаплы һалым түләүселәргә ярҙам итеү өсөн бөтә кәрәкле шарттар булдыра, - тип билдәләне Башҡортостан Республикаһының финанс министры вазифаһын башҡарыусы Светлана Малинская. Конкурс түбәндәге эшмәкәрлек төрҙәре буйынса үткәрелә: ауыл хужалығы, урман хужалығы, һунарсылыҡ, балыҡсылыҡ; файҙалы ҡаҙылмалар сығарыу; эшкәртеү производстволары; электр энергияһы, газ һәм пар менән тәьмин итеү; төҙөлөш; сауҙа; ташыу һәм һаҡлау; профессиональ, фәнни һәм техник эшмәкәрлек; башҡа эшмәкәрлек төрҙәре. Һәр номинацияла еңеүсе өс категория буйынса билдәләнә: эре ойошмалар, урта эшҡыуарлыҡ субъекттары (индивидуаль эшҡыуарҙарҙан тыш) һәм унитар предприятиелар, бәләкәй эшҡыуарлыҡ субъекттары (индивидуаль эшҡыуарҙарҙы ла индереп). Конкурс еңеүселәрен тантаналы сарала Башҡортостан Республикаһы Хөкүмәте Премьер-министры А. Назаров бүләкләй. Конкурста ҡатнашыу өсөн ғаризалар һәм документтар пакеттарын Башҡортостан Республикаһы Финанс министрлығы 2024 йылдың 31 июленә тиклем Өфө ҡалаһы, Туҡай урамы, 46 адресы буйынса (ҡағыҙҙа) һәм электрон адрес буйынса minfin@bashkortostan.ru ҡабул итә. "Йыл һалым түләүсеһе" конкурсында ҡатнашыуға ғариза формаһын, шулай уҡ өҫтәмә мәғлүмәтте https://minfin.bashkortostan.ru/documents/active/562945/ һылтанмаһы буйынса үтеп, конкурс тураһында Положениела табырға йәки БР Финанс министрлығы хеҙмәткәренән +7 (347) 280-95-51, 218-16-18 телефоны буйынса шылтыратып алырға мөмкин.