Ишембай ҡалаһындағы “Эко-Сити” һәм Стәрлетамаҡ ҡалаһындағы “Мохит СТР” яуаплылығы сикләнгән йәмғиәттәренең сүп-сарҙы сорттарға айырыу комплекстарында “Асыҡ ишектәр көнө” уҙҙы. Сара “Экология” милли проекты сиктәрендә “Ҡаты коммуналь ҡалдыҡтар менән комплекслы эш итеү системаһы” федераль проекты сиктәрендә ойошторолдо. Унда Башҡортостан Хөкүмәте Премьер-министры урынбаҫары – ауыл хужалығы министры Илшат Фәйзрахманов, тәбиғәттән файҙаланыу һәм экология министры Нияз Фазылов, “Эко-сити” төбәк операторы яуаплылығы сикләнгән йәмғиәтенең генераль директоры Радик Байҙанов, муниципалитет хакимиәттәр башлыҡтары, депутаттар һәм йәмәғәт эшмәкәрҙәре ҡатнашты. “Эко-Сити” яуаплылығы сикләнгән йәмғиәте Ишембай, Стәрлетамаҡ, Салауат ҡалаларынан һәм эргә-тирәләге райондарҙан ҡаты коммуналь ҡалдыҡтарҙы ҡабул итә. Сүп-сар ике линияла сорттарға айырыла, уларҙа 30-ҙан ашыу файҙалы фракция, шул иҫәптән пластик, полиэтилен, ҡатырға, быяла алына. Айырым фракцияларға бүлеү махсус машиналар һәм ҡул хеҙмәте ярҙамында башҡарыла. Стәрлетамаҡта “Мохит СТР” яуаплылығы сикләнгән йәмғиәте” комплексында ҡала һәм эргә-тирәләге райондарҙа йәшәүселәр менән йыйылған сүп-сар күләменең яртыһы эшкәртелә. Проект ҡеүәте йылына 200 мең тонна ҡалдыҡ тәшкил итә. Бер йылда ҡалдыҡтарҙан 2700 тонна быяла, 2500 тонна полимер, 4100 тонна ҡағыҙ һәм тағы 40 төр икенсел матди ресурстар сығарыла. Муниципалитет башлыҡтары ҡаты коммуналь ҡалдыҡтарҙы сортҡа бүлеү процесы һөҙөмтәлелегенә, шулай уҡ брикетланған ҡалдыҡтарҙы күмеү схемаһын теүәл үтәүҙәренә инанды һәм предприятиелар менән артабан үҙ-ара эшмәкәрлек итергә әҙер. Билдәле булыуынса, “Экология” (национальный проект “Экология”) милли проекты Рәсәй Президенты Владимир Путиндың май указы менән булдырылды. Фото: Стәрлетамаҡ ҡалаһы хакимиәте.