Республикалағы “Орбита” фәнни-производствоға индереү предприятиеһы медицина ҡорамалдары етештерә. Ул “Хеҙмәт етештереүсәнлеге” милли проектында ҡатнашып, үҙенең тәьҫирлелеген күтәрергә уйлай. Предприятие шифахана-курорт ойошмаларын, дауалау-иҫкәртеү учреждениеларын, реабилитация үҙәктәрен медицина реабилитацияһы системаһы өсөн аппарат-программа механотерапевтик комплекстары менән йыһазландырыу менән шөғөлләнә. Милли проектта ҡатнашып, предприятие производстволағы процестарҙы яҡшыртырға, етештерелеүсе продукция күләмен арттырырға, сығымдарҙы кәметергә мөмкинлек аласаҡ. Был хаҡта Хөкүмәт Премьер-министрының беренсе урынбаҫары – иҡтисади үҫеш һәм инвестиция сәйәсәте министры Рөстәм Моратов һөйләне. Республика кардиология үҙәге эксперттары предприятие хеҙмәткәрҙәре менән производство системаһын төҙөйәсәк, етештереүҙе арттырасаҡ. Шулай уҡ предприятиеға төрлө һаҡсыл инструменттар, анализлау, стандартлаштырыу индереләсәк. Рәсәй Президенты Владимир Путиндың “май” указдарына ярашлы, “Хеҙмәт етештереүсәнлеге һәм мәшғүллеккә ярҙам” милли проектын тормошҡа ашырыу барышында 2024 йылға ошондай мөһим мәсьәләләрҙе хәл итергә кәрәк буласаҡ: хеҙмәт етештереүсәнлеген күтәреү нигеҙҙәрен өйрәнеүгә йүнәлтелгән кадрҙар әҙерләү системаһын формалаштырыу, шул иҫәптән һанлы технологияларҙы һәм платформалы ҡарарҙарҙы файҙаланыу менән; хеҙмәт етештереүсәнлеге үҫешенә ҡамасаулаған норматив-хоҡуҡи һәм административ сикләүҙәрҙе ҡыҫҡартыу, шулай уҡ иҫкергән һәм етештереүсәнһеҙ эш урындарын алмаштырыу юлы менән. Фото:Башҡортостан Башлығы матбуғат хеҙмәте.