Башҡортостандың Иглин районында "Мәҙәниәт" милли проекты сиктәрендә 2024 йылғы халыҡ байрамы – Һабантуй ойошторолдо. Был хеҙмәт байрамында халыҡтарҙың матур йолалары, уларҙың йырҙары, бейеүҙәре һәм ғөрөф-ғәҙәттәре берләшә. Изге йола буйынса һабантуйҙа үҫемлекселектә һәм малсылыҡта юғары күрһәткестәргә өлгәшкән ауыл хужалығы алдынғылары тәбрикләнде. Шулай уҡ бергә оҙайлы ғүмер кисергән яҡташтарыбыҙҙы: Соловьевтар, Воробьевтар һәм Әкрәмовтар ғаиләләрен ҡотланылар. Әсәлек даны миҙалын биш бала әсәһе Екатерина Логинаға тапшырҙылар. Иглин районы ҡунаҡсыллығы менән дан тота, быны һабантуйҙың бөтә ҡунаҡтары ла баһалай алды. Улар “Иглин баллы торты” брендын әҙерләү буйынса оҫталыҡ дәресендә ҡатнашты. Һабантуйҙа һәммәһе лә булды – дәртле йырҙар һәм бейеүҙәр, спорт ярыштары һәм милли уйындар, көс һәм етеҙлек буйынса ярыштар, ҡунаҡсыллыҡ һәм алсаҡлыҡ. Теләгән һәр кем өсөн төрлө майҙансыҡтар эшләне. Район Мәҙәниәт йорто алдында милли ихаталар урынлашты, улар ҡатнашыусыларҙы рус, башҡорт, татар, с