Башҡортостан командаһы кампустарҙы үҫтереү буйынса стратсесияла ҡатнашты

Мәскәүҙә заманса кампустар селтәренең тематик продукт программаларын булдырыу тикшерелде. Туғыҙ төбәк, шул иҫәптән Башҡортостан командаһы ҡатнашҡан стратегик сессияның тәүге өлөшө 28-30 майҙа Н.Э.Бауман исемендәге Мәскәү дәүләт техник университеты кампусының яңы корпусында үтте. Сарала кампустарҙы үҫтереүҙең төп йүнәлештәре билдәләнде, шул иҫәптән тематик продукт программалары һәм уларҙың һәр береһе өсөн продукт паспорттары булдырылды. - Сессияла ҡатнашыусыларҙың кампустарҙы үҫтереү өсөн аныҡ стратегиялар эшләй алыуы һәм индустриаль партнерҙар менән берлектә ниндәй инновацион продукттарҙы булдырасағын билдәләүе бик мөһим. Продукт линейкалары эшләнмәләре проектта ҡатнашыусыларҙың барыһына ла -студенттарҙан алып төбәк иҡтисадына тиклем ихтыяж тыуҙырырға тейеш. Университеттар илдең фәнни-технологик үҫешендә һәм Президент ҡуйған милли маҡсаттарға өлгәшеү өсөн квалификациялы кадрҙар әҙерләүҙә әүҙем ҡатнашырға тейеш, – тип билдәләне Рәсәй мәғариф һәм фән министры урынбаҫары Андрей Омельчук. Стратсессияла кампустарҙың төбәк командалары фәнни, технологик һәм белем биреү продукттары, шулай уҡ йәштәр эшҡыуарлығы һәм яңы инфраструктура ҡулланыусыларының ялын ойоштороу өлкәһендәге ҡарарҙар тәҡдим итте. Рәсәй мәғариф һәм фән министры урынбаҫары Андрей Омельчук Башҡортостан ғалимдарының уйлап табыуын айырып билдәләне һәм уны Новосибирск өлкәһе командаһының эше менән бергә Рәсәй Федерацияһы Хөкүмәте Рәйесе урынбаҫары Дмитрий Чернышенкоға тәҡдим итергә вәғәҙәләне. Хәтерегеҙгә төшөрәбеҙ, Президент Владимир Путин ҡушыуы буйынса Рәсәйҙә заманса кампустар селтәре булдырыла. «Фән һәм университеттар» милли проекты ярҙамында 17 шундай студенттар ҡаласығы проектлана һәм төҙөлә. 2030 йылға кампустар һаны 25-кә етәсәк, ә 2036 йылға - 40-ҡа тиклем. Кампус концепциялары шәхси һәм команда үҫеше өсөн уникаль һәм комплекслы мөхит булдырыуҙы күҙ уңында тота, унда күп һанлы асыҡ белем биреү киңлектәре һәм аудиториялар бар. Проект федераль һәм төбәк бюджеттары, шулай уҡ бюджеттан тыш сығанаҡтар иҫәбенә финанслана. Сығанаҡ: https://pravitelstvorb.ru/news/24050/