«Տավուշը հանուն հայրենիքի» շարժման առաջնորդ Բագրատ արքեպիսկոպոս Գալստանյանը Երևանի Սուրբ Աննա եկեղեցու բակում խոսել է մայիսի 31-ի ծրագրերի մասին։ Նրա խոսքով՝ գործողություններ են սպասվում։
«Մեծ հանրահավաքները զուտ իրազեկման և այլ նպատակներով են տեղի ունենում։ Մեր գործունեությունն այլևս գործողություններ են, պարզապես հավաքներ չեն»,- ասել է նա։
Շարժման առաջնորդն աջակիցներին կոչ է արել առավոտյան ժամը 10։00-ին հավաքվել Սուրբ Աննա եկեղեցու բակում՝ Քանաքեռ կամ Երևանի հարավ-արևմտան թաղամաս գնալու համար։ Նա նաև նշել է, որ այցելելու են հաստատություններից մեկը, բայց չի հստակեցրել, թե կոնկրետ որը։
«Վաղը ժամը 10։00-ին այստեղ սպասելու եմ ձեզ, գնալու ենք մեր հաստատություններից մեկն այցելության, բայց չեմ ասելու որը։ Շատ կարևոր հաստատություն կա, պիտի այցելենք, բարևեմ»,- ասել է Գալստանյանը։
Ըստ Գալստանյանի՝ վաղվա գործողությունները կախված են մասնակիցների թվից, եթե մասնակցության թվերը մեծ լինեն, «գործողության բովանդակությունն էլ այլ կլինի»։
Մանրամասները՝ տեսանյութում։
Նորություններին հետևեք մեր կայքում, ինչպես նաև Telegram-ում և YouTube-ում