Тәүге ете төбәк иҫәбендәбеҙ

Бизнесты һанлаштырыу платформаһы 3000 предприятиены үҙ эсенә ала. Уның эксперттары бизнесҡа предприятиены бушлай һанлаштырырға, йәғни һанлы трансформация иҫәбенә етештереүсәнлекте арттырыу потенциалын билдәләргә һәм комплекслы IТ-эшләнмәләр индерергә ярҙам итә. - Милли проект ватан сәнәғәт һәм инженер программа тәъминәтен арзанайта, предприятие хеҙмәткәрҙәренең һирәк осраған IT-компетенцияларына бәйлелеген кәметә һәм һанлы ҡарарҙар индереү ваҡытын ҡыҫҡарта, – ти БР Иҡтисади үҫеш министры урынбаҫары Морат Керефов. Башҡортостан Республикаһы Хөкүмәте Премьер-министрының беренсе урынбаҫары – Башҡортостан Республикаһының иҡтисади үҫеш һәм инвестиция сәйәсәте министры Рөстәм Моратов билдәләүенсә, төбәктә төрлө өлкәләрҙә һанлаштырыуҙы ғәмәлгә индереү буйынса комплекслы эш алып барыла. - Предприятиеларҙа производство процестарын һанлаштырыуға ҙур иғтибар бүләбеҙ, улар иҫәбендә «Хеҙмәт етештереүсәнлеге» милли проектында ҡатнашыусылар ҙа бар. Предприятиелар эшендә заманса һанлы ҡарарҙарға күсеү етештереү күләмен арттырыуға һәм күрһәткестәрҙе яҡшыртыуға булышлыҡ итә. Төбәкте «һанлаштырыу» буйынса эш планлы алып барыла һәм күп йүнәлештәрҙе үҙ эсенә ала. Мәҫәлән, былтыр беҙ инвесторҙар менән үҙ-ара эш итеүҙең яңы механизмын - инвестицияларҙы яҡлау һәм дәртләндереү программаһын башланыҡ. Ул биш төп йүнәлеште үҙ эсенә ала, улар араһында инвестиция циклын һанлаштырыу ҙа бар, – ти Рөстәм Моратов. БР дәүләт идаралығының һанлы үҫеш министры Геннадий Разумикин һүҙҙәренсә, кадрҙар етмәгәндә роботлаштырыу һәм һанлаштырыу – предприятиеның персоналға ихтыяжын ҡәнәғәтләндереү ысулдарының береһе. - Предприятиелар IТ-проекттарҙы тормошҡа ашырыуҙың төрлө этаптарында ҡатмарлыҡтар менән осраша. Һанлаштырыу тиҙ уңыш өсөн бизнес-процесстарҙы ҡулайлашлтырыуға булышлыҡ итә, ә платформа компанияларға ҙур сығымдарһыҙ производствоға инновациялар индерергә ярҙам итә. Платформа етештереү һөҙөмтәлелеген арттырыу өсөн 700-ҙән ашыу әҙер ҡарарҙы үҙ эсенә алған белем базаһына бушлай инеү мөмкинлеген бирә. Шулай уҡ тейешле ҡарарҙар табырға һәм уларҙы берләштерергә ярҙам итәсәк эксперттарҙың хеҙмәттәре бар, - тип билдәләне Геннадий Разумикин. «Һанлы етештереүсәнлек технологиялары» коммерцияға ҡарамаған ойошмаһының һанлы трансформация буйынса директоры Евгений Токаренко билдәләүенсә, платформаның сервистары һәм хеҙмәттәре менән Рәсәйҙең 85 төбәгендәге төрлө тармаҡтарҙан 3000-дән ашыу предприятие, шулай уҡ мәғлүмәт технологиялары өлкәһендә 430-ҙан ашыу һанлы ҡарарҙар һәм хеҙмәттәр менән тәьмин итеүсе файҙаланған. - Башҡортостанда «Хеҙмәт етештереүсәнлеге» милли проектында ҡатнашыусы 175 кешенең 119-ы ошо платформала әүҙем эшләй. Теркәлгән ҡатнашыусылар һаны буйынса беҙҙең республика иң яҡшы 7 төбәк иҫәбенә инә. Был платформаның популярлыҡ менән файҙаланыуы һәм йылдам үҫешеүе хаҡында һөйләй, — тип өҫтәне Башҡортостан республикаһының Төбәк компетенциялар үҙәге етәксеһе Азамат Дәүләтбаев. Белешмә: «Хеҙмәт етештереүсәнлеге» милли проекты рәсәй Федерацияһы Президенты Владимир Путиндың май Указы менән 2018 йылда раҫланған һәм илдә йыл һайын хеҙмәт етештереүсәнлеген 5 процентҡа арттырыу өсөн шарттар булдырырға тейеш. «Хеҙмәт етештереүсәнлеге» милли проектында ҡатнашырға теләгән предприятиелар платформала ғариза бирә йәки төбәк компетенциялар үҙәгенә мөрәжәғәт итә ала, телефоны: +7(347)246-83-65.