“Һаулыҡ һаҡлау” милли проекты Рәсәй Президенты ҡушыуы буйынса 2019 йылда ҡабул ителгәйне.Ошо осорҙа тармаҡта ҙур үҙгәрештәр күҙәтелде. 2024 йылда милли проектҡа ярашлы ете һаулыҡ һаҡлау объекты төҙөү, туғыҙ бинаны капиталь ремонтлау, тиҙ төҙөлөүсе 131 модулле конструкцияны күтәреү, 206 берәмек автотранспорт, дүрт меңдән ашыу медицина ҡорамалы һатып алыу планлаштырыла. Бөгөнгә 59 модулле конструкция ҡуйылған, медицина ойошмаларына 1206 медицина ҡорамалы, шул иҫәптән бер компьютер томографы, биш флюорограф, биш маммограф, ете рентген һәм 47 ультратауыш аппараттары, туғыҙ эндоскопия системаһы алынған да инде. Кушнаренко ауылында 320 кешене ҡабул итеүгә иҫәпләнгән поликлиника төҙөлә. Әле эшселәр ҡыйыҡ монтажлау, тәҙрәләр ҡуйыу, фасадты төҙөкләндереү эштәрен башҡара, шулай уҡ эске йылылыҡ һәм канализация селтәрҙәрен, йылылыҡ трассаһын үткәреү менән шөғөлләнә. Былтыр милли проектты финанслау күләме 7,47 миллиард һум тәшкил итте, шуның 4,1 миллиард һумы – федераль бюджеттан. Милли проект яр