Өфө моторҙар эшләү производство берекмәһе предприятиеһында (Ростех дәүләт корпорацияһының Берләштерелгән двигателдәр эшләү корпорацияһына инә) предприятие хеҙмәткәрҙәренә һәм өйрәнсектәренә бирелә торған социаль пакет арттырылды. Үҙгәрештәрҙең күбеһе торлаҡ программаһына ҡағыла. Өфө моторҙар эшләү производство берекмәһенең торлаҡ программаһы сит ҡала хеҙмәткәрҙәренә ҡуртымға торлаҡ өсөн түләүҙә ярҙам итеүҙе, ятаҡта урын биреү мөмкинлеген һәм корпоратив ипотека ярҙамын, шулай уҡ яңы корпоратив йортта торлаҡ биреүҙе үҙ эсенә ала. Шулай итеп, Өфө моторҙар эшләү производство берекмәһе “Дом.р” инвесторы һәм ПСК-6 төҙөүсеһе менән берлектә Өфөнөң Инорс биҫтәһендә 27 ҡатлы ҡуртым йорто төҙөү буйынса проектты тормошҡа ашыра. Бинаны файҙаланыуға тапшырыу һәм унда йәшәү 2025 йылға билдәләнгән. 400 фатир саф биҙәлешле, мебель һәм көнкүреш техникаһы менән йыһазландырылған “ин дә йәшә” принцибы буйынса файҙаланыуға тапшырыласаҡ. Предприятие хеҙмәткәрҙәренә һәм Ростехтың производство-уҡыу үҙәге уҡыусыларына Берләшкән двигателдәр эшләү корпорацияһы базаһында берләшмә саралары иҫәбенә торлаҡты ҡуртымға алыу мөмкинлеге биреләсәк. “Торлаҡ программаһын үҫтереү – эш биреүсе булараҡ социаль ярҙамдың төп йүнәлештәренең береһе. Беҙ тәү сиратта производствола талап ителгән һөнәрҙәрҙең хеҙмәткәрҙәренә ярҙам күрһәтәбеҙ. Улар араһында токарҙар, фрезерсылар, инженер-конструкторҙар һәм технологтар, программа менән идара ителгән станок операторҙары, көйләүселәр бар. Шулай уҡ беҙ йәш эшселәргә һәм инженерҙарға, Производство-уҡыу үҙәге уҡыусыларына әүҙем ярҙам итәбеҙ”, – тине Берләшкән двигателдәр эшләү корпорацияһы – Өфө моторҙар эшләү производство берекмәһенең персонал буйынса идара итеүсе директоры урынбаҫары-директоры Николай Лютов. Производство программаһын үтәү маҡсатында Өфө моторҙар эшләү берекмәһе Өфөлә, Башҡортостан Республикаһында һәм Рәсәйҙең башҡа ҡалаларынан кадрҙарҙы әүҙем йәлеп итә. Сит ҡала хеҙмәткәрҙәре торлаҡты ҡуртымға алыу хаҡынан ай һайын 13 000 һум күләмендә компенсация ала ала, Ростехтың Производство-уҡытыу үҙәге уҡыусылары – 5 000 һум. Бынан тыш, предприятиела ипотеканы йәки тәүге ипотека иғәнәһен ҡаплау өсөн 200 000 һум күләмендә корпоратив ярҙам эшләй. Түләүҙе берләшкән двигателдәр эшләү корпорацияһы – Өфө моторҙар эшләү производство берекмәһе өсөн иң кәрәкле һөнәр эйәләре һәм профилле юғары уҡыу йорттарын һәм колледждарҙы тамамлаған 35 йәшкә тиклемге белгестәр ала ала. Былтыр 191 хеҙмәткәр ошондай ярҙам алған. Социаль пакетты яңыртыу иҫәбендә – предприятие средстволары иҫәбенә Павловка һыуһаҡлағысындағы “Йондоҙло” физкультура-һауыҡтырыу комплексына хеҙмәткәрҙәрҙең ғаиләләре менән ял итеү өсөн юлламалар бүлеү һәм вахта транспорты маршруттарын арттырыу. Хәҙер предприятиела хеҙмәткәрҙәрҙе Өфө, Шакша, Благовещен ҡалаларына, Иглин районы үҙәгенә алып барыу өсөн 28 автобус маршруты эшләй. Яҡын арала Максимовкаға рейс асыу планлаштырыла. Иҫегеҙгә төшөрәбеҙ, Өфө моторҙар эшләү производство берекмәһенең социаль пакетына завод ашханаларында хеҙмәткәрҙәрҙе льготалы ҡайнар аш менән тәьмин итеү ҙә инә. Предприятие хеҙмәткәрҙәре балалары өсөн Башҡортостан Республикаһының һауыҡтырыу лагерҙарына һәм Ҡара диңгеҙ буйына юламамарҙы тулы хаҡтың 20 процентына алыу мөмкинлегенә эйә. РФ Ҡораллы көстәре сафында хеҙмәт иткәндәр өсөн 45 000 һум күләмендә ярҙам ҡаралған. Фото: Өфө моторҙар эшләү производство берекмәһенән.