"Мәғариф" милли проектын тормошҡа ашырыу сиктәрендә йыл һайын республика мәктәптәрендә уҡыусыларҙың туҡланыуын камиллаштырыу, сифатлы һәм баланслы туҡланыу менән тәьмин итеүҙең заманса формаларын һәм алымдарын индереү, мәктәп ашханалары эшенең иң яҡшы тәжрибәһен таратыу маҡсатында Башҡортостан Республикаһының Мәғариф һәм фән министрлығы тарафынан “Иң яҡшы мәктәп ашханаһы” конкурсы үткәрелә. “Иң яҡшы мәктәп ашханаһы-2024” Бөтә Рәсәй конкурсының республика этабының ярымфиналы уҙҙы. Конкурс комиссияһы ағзалары “Портфолио” конкурс мәғлүмәт материалдарын һәм мәктәп ашханалары видеороликтарын баһаланы. Бәйгенең ярымфиналында 47 мәктәп ҡатнашты. Ярымфинал һөҙөмтәләре буйынса 14 мәктәп ашханаһы конкурстың финалына сыҡты, улар араһында “Иң яҡшы ҡала мәктәбе ашханаһы-2024” номинацияһында – Ағиҙел ҡалаһының Р.К.Холбан исемендәге 1-се мәктәбе командаһы. Майҙа Өфөләге “Смарт” 2-се республика полилингваль күп профилле гимназияһында "Иң яҡшы мәктәп ашханаһы-2024" республика конкурсының финалы үтте. Конкурс сиктәрендә командалар түбәндәге конкурс эштәрендә ҡатнашырға тейеш ине: “Мәктәптә туҡланыу 3.0” тематик өҫтәле, “Ата-әсәләрҙең өс һорауы” блиц-турниры, “Хәүефһеҙ туҡланыу блогы” квест-практикумы, “Дөйөм белем биреү ойошмаһында мәктәп туҡланыуын үҫтереү стратегияһы” презентацияһы. Ағиҙел ҡалаһы ҡала округының 1-се мәктәбе командаһы "Ата-әсәләр менән иң яҡшы эш итеү" номинацияһында еңеү яуланы. Билдәле булыуынса, “Мәғариф” милли проекты (национальный проект “Образование”) Рәсәй Президенты Владимир Путиндың май указы менән булдырылды. Фото: Ағиҙел ҡалаһы хакимиәте.