Աղետի գոտում կա երեք զոհ, հայտնել է Ներքին գործերի նախարարության փրկարար ծառայությունը։ Նշվում է, որ Սանահինի կամրջի մոտակայքից փրկարարները դուրս են բերել անձը չպարզված քաղաքացու դի: Պտղավան բնակավայրի ֆուտբոլի դաշտի հարևանությամբ գետից դուրս է բերվել Հաղթանակ բնակավայրի բնակիչ (1948 թ.) Ավագ Ավագյանի դին։ Շնող գյուղի մոտակայքում գետից դուրս է բերվել Սարիբեկ Բալյանի (1985 թ․) դին:
Տարածքային կառավարման և ենթակառուցվածքների նախարար Գնել Սանոսյանը Լուրեր-ի հետ զրույցում ներկայացրել է Լուռիում Դեբետ գետի վարարման հետևանքների մասին։ Նրա խոսքով, գետը շարունակում է վարար մնալ և մի շարք աշխատանքներ հնարավոր չէ իրականացնել:
Առաջին անելիքներից մեկը, ըստ Սանոսյանի, դեպի Վրաստանի ուղղությամբ միջպետական ճանապարհի խնդիրն է եղել։
Նա նշել է, որ հիմնական խանդիրները Ալավերդիում և Ալավերդիից մինչև Բագրատաշեն ուղղությամբ են, ջրածածկ տարածքներ կան նաև Տաշիրում և Դիլիջան - Իջևան հատվածում։
Սանոսյանի խոսքով, հեղեղման պատճառով վնասվել է Մ4 ճանապարհի Դիլիջան-Իջևան и Մ6 ճանապարհի երեք հատված կա որտեղ ճանապարհը քանդվում է: «Այնտեղ նույնպես աշխատանքներ են տարվում, փորձում ենք ճանապարի այդ շերտը պահպանել», - նշել է նա։
«Այլընտրանքային ճանապարհի ապահովման համար ՊԵԿ-ի և Վրաստանի գործընկերների հետ աշխատանքի արդյունքում երթևեկությունը տեղափոխվել է Գոգավանի և Բավրայի անցակետեր, իսկ վնասված ճանապարհահատվածը փակ է, որպեսզի կարողանանք համանատասխան աշխատանքները իրակամացնել»- ասել է Սանոսյանը:
Նախարարը հավելել է, որ կան մի քանի բնակավայր՝ որոնք կապում էին Մ6 ճանապարհին կամուրջներ և այդ կամուրջները փլվել են և այդ բնակավայրերի հետ կապի որոշակի խնդիր կա։ «Դաշտամիջյան, ավելի շուտ սարերի միջով անցնող ճանապարհ ունենք և հիմա գործընկերները աշխատում են որ այդ ճանապարհը որոշակի բարելավեն և կարողանանք այնտեղ անցանելիություն ապահովելով այդ բնակավայրերի առաջնային կարիքները հոգալ», նշեց նախարարը։
Նա ավելացրել է, որ հեղեումները պատճառ են դարձել էլեկտրահաղորդման գծերի, գազատարների, խմելու և ոռոգման համակարգերի հետ կապված խնդիրների, բայց դժվարացավ գնահատել վնասները․ «Դրանց մի մասը այժմ հնարավոր չէ գույքագրել, ակնհայտ է որ գետը դրանք քանդել է բայց դե ավերածության աստիճանը և վնասի չափը գնհատել հնարավոր չէ», - ասել է նա։
Սանոսյանի խոսքերով, արժմ իրականացվում են աշխատանքներ, որպեսզի լուծվեն Ալավերդիից տեղահանված քաղաքացիների առաջնային խնդիրները։
Նա նաև մեկնաբանել է ջրմաբարների հետ կապված վտանգները, նախարարն ընդգծել է, մասնագետները աշխատում են ջրթողի ապահովման ուղղությամբ։
«Մեծավանի ջրամբարը ամբողջությամբ լցված է և մասնագետները ջրթողը ապահովում են, նաև ունենք հիդրոէլեկտրակայանների ջրամբարներ որոնք չափերով այդքնան մեծ չեն բայց որոշակի վտանգ ներկայացնում են և այդ ուղղությամբ մասնագետները աշխատում են, որպեսզի կարողանան բավարար կացմակերպել ջրթողը», - ասել է նախարարը։
Նրա խոսքով, Վարչապետի որոշմամբ ստեղծված հանձնաժողովը շտաբային աշխատանքներ է կատարում՝ գույքագրում խնդիրները։ «Փորձում ենք տարհանված քաղաքացիների կարիքները գույքագրել և այնպես անել, որ առաջնային օգնության կարիք չունենան», - ասել է նա։
Առաջին անելիքներից մեկը, ըստ Սանոսյանի, դեպի Վրաստանի ուղղությամբ միջպետական ճանապարհի խնդիրն է եղել։
«Աշխատելով ՊԵԿ-ի և Վրաստանի մեր գործընկերների հետ, երթևեկությունը տեղափոխել ենք Գոգավանի և Բավրայի անցակետեր, այս տարածքները փակել ենք, որպեսզի կարողանանք համապատասխան աշխատանքներ անել», - ասել է նա
Մայիսի 26-ին ՆԳՆ-ն հայտնել էր Լուռու և Տավուշի մարզերում հեղեղումների վերաբերյալ ստացած ահազանգերի մասին։ Հեղեղներն ավերածությունների պատճառ են դարձել, կան արգելափակված մեքենաներ։ Վարարել են նաև Աղստև, Տաշիր գետերը։ Հեղեղների առաջացրած արտակարգ իրավիճակի կառավարման նպատակով վարչապետ Նիկոլ Փաշինյանն օպերատիվ շտաբ է ձևավորել։ Փաշինյանը մեկնել է աղետի գոտի։
Նորություններին հետևեք մեր կայքում, ինչպես նաև Telegram-ում և YouTube-ում