Տավուշը հանուն հայրենիքի» շարժման վարչապետի թեկնածուն Բագրատ Սրբազանն է․ Գուրգեն Մելիքյան

«Տավուշը հանուն հայրենիքի» շարժումը վարչապետի թեկնածու է առաջադրել շարժման առաջնորդ Բագրատ արքեպիսկոպոս Գալստանյանին, Երևանում տեղի ունեցած հանրահավաքում հայտարարել է արևելագետ, պրոֆեսոր Գուրգեն Մելիքյանը։ Նա նշել է, որ այս որոշումն ընդունվել է բոլոր ոլորտների և սոցիալական տարբեր խմբերի ներկայացուցիչների հետ հանդիպումներից հետո։ «Բոլոր հանդիպումների մասնակիցների ճնշող մեծամասնությունը միակարծիք էր այն կարծիքին, որ այդ անձը, իհարկե, Բագրատ Սրբազանն է»,- ասել է Մելիքյանը։

Հանրահավաքի ժամանակ, Բագրատ Սրբազանը ներկայացրել է ժամանակավոր կառավարության վարչապետի աշխատանքի ուղղությունները այն բանից հետո, երբ շարժումը հասնի Փաշինյանի հրաժարականին։

Նա նշել է, որ հանրահավաքը ազդարարում է շարժման սրբազան պայքարի Տավուշը հանուն հայրենիքի երրորդ և վճռական փուլի մասին:

Նա հավելել է, որ այս հանրահավաքին կհայտարարվեն կոնկրետ նպատակները և կներկայացվի վարչապետի թեկնածուին, որը, ինչպես նախկինում ասել է, չպետք է ներկայացնի որևէ քաղաքական ուժի և կստանձնի ժամանակավոր կառավարություն ձևավորելու պատասխանատվությունը։

«Ես գիտեմ, որ դուք անընդհատ որոշակիություն եք պահանջել, դուք անընդհատ պահանջել եք նոր կառավարության վարչապետի թեկնածուի և նոր կառավարության մասին։ Ինչպես նշել եմ նախորդ անգամ, այդ թեկնածուն պետք է լինի վերկուսակցական, չի կարող լինել որևէ կուսակցության կամ խմբակի անդամ, պետք է ձևավորի անցումային կառավարություն, ոը կլինի հաշտության կառավարություն։ Ձևավորվելով բոլոր ունակների կառավարությունը իրենց մասնագիտական վաստակով, հմտություններով, գիտելիքներով, արհեստավարժությամբ, հայրենատեր և աստվածասեր լինելով», - հայտարարել է նա։

Գալստանյանի խոսքով՝ ժամանակավոր կառավարության վարչապետը (Նիկոլ Փաշինյանի հրաժարականից հետո) պետք է աշխատի երեք ուղղությամբ՝ ունենալով հստակ օրակարգ: Այդ երեք ուղղությունները, ըստ Գալստանյանի, պետք է լինեն աշխատանք հասնելու ներքին հաշտության՝ հիմնված արդարության և արդարադատության վրա, մեր կյանքի ապաքինվամբ և զարգացմամբ պայմանավորված, առաջնորդվելով արտաքին հարաբերություններում առանց հակաների քաղաքականության

Գալստանյանը հավելել է, որ վարչապետը պետք է շարունակի խաղաղ բանակցությունները Ադրբեջանի հետ՝ քաջ գիտակցելով խաղաղության արժեքը, ներառյալ բանակցություններում արցախցիների անվտանգ վերադարձի և բոլոր իրավունքի պաշտպանության խնդիրները։ Ինչպես նաև նա պետք է ներդնի բոլոր ջանքերը ազատելու համար հայ ռազմագերիներին, ինչպես նաև Արցախի ռազմաքաղաքական ղեկավարությանը:

Միաժամանակ նա ընդգծել է, որ Ադրբեջանի հետ սահմանի սահմանազատումը պետք է ավարտվի հաշտության պայմանագրի կնքումից և Ադրբեջանի զինված ուժերի՝ Հայաստանի ինքնիշխան տարածքներից դուրս բերելուց հետո։

«Ադրբեջանի զինուժի ՀՀ ինքնիշխան տարածքներից դուրս գալով։ Սահմանազատման և սահմանագծման գործընթացը պետք է մեկնարկի խաղաղության պայամնագրի ստորագրումից անմիջապես հետո ՀՀ սահմանադրության և օրենսդրության համապատասխան ինչպես նաև միջազգային չափանիշներին և սկզբունքներին համապատասխան հստակ քարտեզնեորվո ոչ թե ներկայիս նման՝ աչքաչափով մարդկանց տները մեկ օր ավիրելով մյուս օրը կողքից անցնելով», - ասել է նա։

Նաև, ժամանակավոր կառավարության վարչապետը պետք է կազմակերպի ընտրություններ՝ «առանց հավակնություն ունենալու մասնակցել այդ ընտրություններին»։

Նա նաև ասել է, որ խնդիր կա վարչապետ Նիկոլ Փաշինյանի իմփիչմենթի նախաձեռնման գործում, սակայն մանրամասներ չհրապարակեց. «Ազգային ժողովում անվստահություն հայտնելու գործընթաց նախաձեռնելու մտադրության մասին, որի իրականացման ուղղությամբ կարող եմ ասել կարևոր արդյունքներ ունեցել ենք և սա զարմանալի չէ, որովհետև դուք կաք նայեք ձեզ և ձեր շուրջը և դուք այն ուժն եք, որ հետ անհնար է հաշվի չնստել», ավելացրել է նա։

Նա ևս մեկ անգամ կոչ է արել վարչապետ Փաշինյանին հրաժարական տալ և հայտարարեց, որ սա «վերջին հնարավորությունն է քաղաքակիրթ ճանապարհով» հեռանալու և դրա համար նա քիչ ժամանակ ունի։

Նորություններին հետևեք մեր կայքում, ինչպես նաև Telegram-ում և YouTube-ում