Бөгөн, 25 майҙа, «Урал аръяғы-2024» Бөтә Рәсәй инвестиция һабантуйы барышында агросәнәғәт комплексында хеҙмәттәшлек тураһында дүрт килешеү төҙөлдө. Инвестицияларҙың дөйөм күләме - 2 миллиард һумдан ашыу. Төбәк аграр ведомствоһы яғынан документтарға Башҡортостан Хөкүмәте Премьер-министры урынбаҫары - ауыл хужалығы министры Илшат Фәзрахманов ҡул ҡуйҙы. - Бөгөн тармаҡтың төрлө йүнәлештәрендә инвестицион килешеүҙәр төҙөнөк, - тине ул. - Беҙҙең предприятиелар ауыл хужалығы продукцияһы етештереүҙе генә түгел, эшкәртеүҙе лә әүҙем үҫтерәсәк. Тармаҡ алдында торған бурыстарҙа был айырыуса мөһим, -тине Илшат Фәзрахманов. Мәҫәлән, Әбйәлил районында «Шишмә» компанияһының «Алтын асҡыс» бал эшкәртеү комплексын төҙөү ҡарала. Уны ойоштороусы Артём Гурштейн эшкәртеү комбинаты, 1 000 бал ҡорто күсенә умарталыҡтар һәм ауыл хужалығы культуралары орлоҡтарын етештереү буйынса хужалыҡтар ойошторорға ниәтләй. Фото: Башҡортостан Хөкүмәте сайтынан