Балаҡатай районынан “Глыба” позывнойлы яугир махсус хәрби операция зонаһынан ялға ҡайтты. Уны яҡташтары тулҡынланып, йылылыҡ менән ҡаршыланы. Һигеҙ айҙан ашыу хеҙмәт итеү осоронда уның беренсе тапҡыр ялға ҡайтыуы, тик шуныһы – яугир һуғышта яраланған. "Глыба"ны яҡташтары эшсән, ауырлыҡтан ҡурҡмаған, сыныҡҡан ир-егет булараҡ белә. Тарҙау ауылында колхозда эшләү менән бергә Дыуан ауыл хужалығы техникумына ситтән тороп уҡырға инә. Хужалыҡ тарҡалғас, Силәбе өлкәһенә эшкә китә. Сыҙамлылыҡ, түҙемлек кеүек сифаттары егеткә заводта йөк тейәүсе, бәйләүсе, урынлаштырыусы булып хеҙмәт итергә булыша. Аҙаҡ биш йыл тирәһе автозаправкала эшләй. Водитель танытмаһы алғас, “Яндекс-такси” хеҙмәтенә урынлаша. Осраҡлы хәл арҡаһында ул махсус хәрби операция зонаһына барып эләгә. Бер саҡ уға Мейәс ҡалаһында яраланыуҙары арҡаһында өйҙәренә ҡайтарылған ике яугирҙе илтеп ҡуйырға тура килә. Һөйләшеп китәләр. Һалдаттар яу зонаһында водителдәр етешмәүе тураһында әйтә. Ир был фекерҙе башына һалып ҡуя һәм ҡатыны менән үҙенең ҡарары тураһында кәңәшләшә. Шулай итеп, былтыр август айында Оборона министрлығы менән контракт төҙөп, хәрби әҙерлек үтеп, ир алғы һыҙыҡҡа йүнәлә. Ул уҡсылар полкына гранатометчик итеп тәғәйенләнә. Яугир осрашыу ваҡытында хәрбиҙәрҙең бер-береһенә туғандарса мөнәсәбәте, ярҙамсыллығы тураһында һөйләне. Тап шул арҡала яралы яугиргә яу яланынан хәүефһеҙ урынға күсергә мөмкин булған. –Беҙҙең батальон ҡаһармандарса һуғышты ул көндә. Взвод командирына окоп буйлап яҡынлашҡанда дошман минаһының һыҙғырғанын ишеттем. Шартлау көсө мине ситкә алып ырғытты. 200 метр алыҫлыҡта ғына дошман отрядтары. Ике хеҙмәттәшем мине блиндажға яҡын ергә илтә алды. Ауыр яраланыуыма ҡарамаҫтан, улар тәүге ярҙамды грамоталы күрһәтә алды. Һарытауҙағы госпиталгә эләктем, операциянан һуң хәрби шифаханаға ебәрҙеләр.Екатеринбургтағы хәрби частә миңә ял бирҙеләр. Әгәр мине хеҙмәткә яраҡлы тип тапһалар, хәрби хеҙмәттәштәрем янына әйләнеп ҡайтасаҡмын. Беҙ еңергә тейешбеҙ! - ти “Глыба”. Яугирҙең тиҙерәк һауығып аяҡҡа баҫыуын теләйбеҙ һәм батырлығы, сабырлығы өсөн рәхмәт әйтәбеҙ. Хәтерегеҙгә төшөрәбеҙ, контракт төҙөү мәсьәләләре буйынса республика халҡы берҙәм 177 белешмә номеры буйынса, Ситуация үҙәгенә 122 йәки (347) 218-19-19-19 телефондара аша, “Минең документтарым” күп функциялы үҙәктең яҡындағы офисына мөрәжәғәт итә ала. Шулай уҡ булған һорауҙарға яуапты башбат.рф сайтында, контракт буйынса хәрби хеҙмәткә инергә теләүселәр өсөн һәм уларҙың ғаилә ағзаларына социаль ярҙам саралары тураһында "Телеграм"да мәғлүмәт таба алаһығыҙ. Башҡортостанда контракт буйынса хәрби хеҙмәткә йыйыу дауам итә. Мобиль пункттар республиканың барлыҡ ҡала һәм райондарында эшләй. Бында йыйыу тәртибе, льготалар һәм түләүҙәр тураһында консультация бирәләр, ниндәй документтар кәрәклеген аңлаталар. Дәүләт менән килешеүҙе пенсияға сыҡҡан запастағы хәрбиҙәр, саҡырыу буйынса сроклы хеҙмәттән һуң эшенән киткәндәр, шулай уҡ армияла булмаған, ләкин юғары йәки урта профессиональ белем алған ир-егеттәр ҙә төҙөй ала. Рядовойҙан алып прапорщикка тиклем контракт буйынса хәрби хеҙмәткә 65 йәшкә тиклемге ир-егеттәр ҡабул ителә. Фото: https://vk.com/gazetanovobelokatai