Рәсәй Президенты Владимир Путиндың май указына ярашлы, “Бәләкәй һәм урта эшҡыуарлыҡ һәм шәхси эшҡыуарлыҡ башланғысына булышлыҡ итеү" милли проектының (национальный проект "Малое и среднее предпринимательство и поддержка индивидуальной предпринимательской инициативы") “Эшҡыуарлыҡ алып барыу шарттарын яҡшыртыу”, "Бәләкәй һәм урта эшҡыуарлыҡ субъекттарын йылдам үҫтереү” төбәк проекты буйынса урындарҙа үҙ эшен асҡан йүнселдәргә ҙур иғтибар бүленә. Ғафури районы бизнес-шәрифе Артур Ғафаров белдереүенсә, 2015 йылда Земфира Рәхимова үҙенең мәктәп хыялын тормошҡа ашырыу - матурлыҡ салонын асыу өсөн Ғафури районына ҡайтҡан. Бөҙрәхана хеҙмәтенә һорау күп икәнлеген өйрәнеп, ул шәхси эшенасып, Красноусол ауылындағы бинаны ҡуртымға алған. Башта клиенттар күп булманы. Әммә эшҡыуар үҙ эшенә һәм хыялына ышана. Ваҡыт үтеү менән йүнсел йәнә яңы йүнәлеште үҙләштерә – маникюр хеҙмәте буйынса мастерлыҡҡа уҡый, эшкә тағы бер мастер ала һәм икенсе бинаға күсә. Хеҙмәттәр спектры киңәйтеп, тағы ла оҫта-визажисты эшкә ала. 2022 йылдың авгусында эшҡыуар Ғафури районы хакимиәтенә финанс ярҙамы һорап мөрәжәғәт итә. Ул эшҡыуарлыҡты үҫтереү муниципаль программаһы сиктәрендә конкурс һайлап алыуын уңышлы үтә һәм бинаны ҡуртымға алыу буйынса сығымдарҙы ҡаплауға финанс ярҙамы алыуға ирешә. Земфира Рәхимова даими рәүештә һөнәри оҫталыҡтарын арттыра, матурлыҡ өлкәһендә даими уҡый, шулай уҡ йәш оҫталар өсөн оҫталыҡ дәрестәре һәм курстар ойоштора. Бынан тыш, ул «Мәшғүллеккә булышлыҡ итеү» федераль проекты партнеры булып тора һәм Мәшғүллек үҙәге базаһында «Парикмахер» программаһы буйынса эшһеҙҙәр өсөн уҡыуҙар үткәрә. 2024 йылда эшҡыуар яңы ҡорамалдар һатып алыуға социаль контракт нигеҙендә адреслы социаль ярҙам алған. Әле «Карамель» салонында косметик ремонт тамамлана, клиенттарға маникюр, педикюр, лазер эпиляцияһы хеҙмәттәре, перманентлы макияж тәҡдим ителә. Ғафури районында үҙ эшегеҙҙе асырға йәки әлеге проектты киңәйтергә теләйһегеҙ икән - мөрәжәғәт итегеҙ, беҙ һәр саҡ диалогҡа асыҡ. «Эшҡыуарлыҡ сәғәте»ндә ҡатнашыуға заявкаларҙы Башҡортостан Республикаһының Инвестиция порталында 8 (34740) 2-10-39, 8-905-000-36-84 телефондары аша бирергә мөмкин. Был сараларҙың барыһы ла Рәсәй Президенты Владимир Путиндың май указына ярашлы булдырылған “Бәләкәй һәм урта эшҡыуарлыҡ һәм шәхси эшҡыуарлыҡ башланғысына булышлыҡ итеү" (национальный проект "Малое и среднее предпринимательство и поддержка индивидуальной предпринимательской инициативы") милли проектына ярашлы атҡарыла. Билдәле булыуынса, “Бәләкәй һәм урта эшҡыуарлыҡ һәм шәхси эшҡыуарлыҡ башланғысына булышлыҡ итеү" милли проекты биш федераль проекттан тора: “Эшҡыуарлыҡты алып барыу шарттарын яҡшыртыу”, “Бәләкәй һәм урта эшҡыуарлыҡ субъекттарын финанс ресурстарға, шул иҫәптән ташламалы финанслауға йәлеп итеү юлдарын киңәйтеү”, “Бәләкәй һәм урта эшҡыуарлыҡ субъекттарын йылдам үҫтереү”, “Фермерҙарға ярҙам итеү системаһын булдырыу һәм ауыл кооперацияһын үҫтереү”, “Эшҡыуарлыҡты популярлаштырыу”. Фото: Радий Хәбировтың бизнес менән аралашыу төркөмөнән. #ВладимирПутин#национальныепроекты#нацпроекты#региональныепроекты#регпроекты#нацпроектыБашкортостан