Бөгөн “Берҙәм Рәсәй” партияһының төбәк бүлексәһе конференцияһында Радий Хәбировты Башҡортостан Башлығы һайлауында ҡатнашыуға кандидат итеп тәҡдим иттеләр. Дәүләт Думаһы депутаты Римма Үтәшева был сәйәси ваҡиғаға ҡарата фекере менән уртаҡлашты. – Бөгөн, 4 июндә, “Берҙәм Рәсәй” партияһының төбәк бүлексәһенең конференцияһы үтте. Унда беҙ – “Берҙәм Рәсәй”ҙәр һайлауға үҙебеҙҙең лидерҙы – Радий Хәбировты Башҡортостан Башлығы вазифаһы һайлауында ҡатнашырға тәҡдим иттек. Минең өсөн Радий Фәритов командаһында эшләү - ҙур ғорурлыҡ. Ул - ысын лидер. Уның һайлау алды программаһы тормошобоҙҙоң барлыҡ өлкәләрен дә үҙ эсенә ала. Был – сәнәғәт, яңы предприятиелар, эш урындары, транспорт, юлдар, структура, яңы мәктәптәр, дауаханалар, театрҙар. Барыһы ла халыҡҡа йәшәү уңайлы булһын өсөн эшләнә. “Республика 3Д: ЛАЙЫҠЛЫ ЙӘШӘРГӘ. ОҘАҠ. ӨЙҘӘ!” Был ябай һүҙҙәр түгел, ә Радий Фәрит улының йәшәү рәүеше – оҙаҡ йәшәргә, лайыҡлы йәшәргә, өйҙә йәшәргә, өйҙә эшләү бәхет. Бөгөн уның өсөн, ысын ир-егет, офицер булараҡ, иң мөһиме – тыл и фронт. Махсус хәрби операцияға бик күп ылауҙар оҙатылды, яугирҙәргә һәм уларҙың ғаиләләренә ярҙам итәбеҙ. Яугирҙәребеҙ ял итергә, һаулыҡтарын нығытырға ҡайта. Йәғни улар тураһында хәстәрлек күрелә – фронтта ла, тылда ла. Был беҙҙең дөйөм эшебеҙ, хәстәребеҙ. Беҙ бергә Еңеү хаҡына эшләйбеҙ. Милләтселәргә еребеҙгә ынтылырға юл ҡуймаясаҡбыҙ. Был - беҙҙең еребеҙ, Рәсәй ере. Уны яуыздарҙан азат итәсәкбеҙ һәм яугирҙәребеҙ еңеүсе булып ҡайтасаҡ. Бөгөн Радий Хәбировтың был төп бурыстарының береһе. Беҙ уға ярҙам итәсәкбеҙ, еңеүҙе яҡынайтасаҡбаҙ. Радий Хәбировтың һайлау алды программаһы беҙҙең республикабыҙҙы үҫтереүгә, тимәк, Рәсәй дәүләтен үҫтереүгә йүнәлтелгән – Башҡортостан халҡына, балаларыбыҙға йәшәү, эшләү, ижад итеү уңайлы булһын өсөн. Ул беҙҙең лидер, уға ышанабыҙ, – тине Римма Үтәшева. Фото: vk.com/rimmautiasheva