Балаларҙың һаулығын һаҡлау - Рәсәй дәүләт сәйәсәтенең төп бурыстарының береһе. 14 йәшкә тиклемге балаларҙа айырыуса тын алыу, аш һеңдереү, күҙ сирҙәре ҙур урын алып тора. Бынан тыш, төрлө тышҡы сәбәптәр арҡаһында балалар йыш ҡына имгәнеүҙәр ала, ағыулана, нервы системаһы, һөйәк-мускул системаһы ауырыуҙарына дусар була. Ауыр нәҫел һәм тыумыштан килгән сирҙәрҙе иртә осорҙа асыҡлау өсөн неонаталь скрининг үткәрелә. Был тикшереү сиргә ваҡытында диагноз ҡуйғандан һуң дауалауҙы башларға мөмкинлек бирә. Дәүләт бик иртә инвалидлыҡҡа һәм ғүмер оҙайлығын ҡыҫҡартыуға килтергән һирәк (орфан) сирҙәргә дусар булған балалар категорияһына иғтибар бирергә тырыша. Ҡайһы бер үҫмерҙәрҙең алкоголь, тәмәке тартыу, электрон сигареттар менән мауығыуы сер түгел. Насар ғәҙәттәрҙең уларҙың һаулығына зарар килтереүе, сәләмәт тормоштоң өҫтөнлөктәре тураһында даими аңлатыу бик мөһим. Фото: Һаулыҡ һаҡлау министрлығының матбуғат хеҙмәте.