20 майҙа Өфөлә Башҡортостан етәксеһе Радий Хәбиров Үзбәкстандың рәсми делегацияһы менән осрашты. Сит илдән килгән делегацияны илдең энергетика министры Журабек Мирзамахмудов етәкләне. Яҡтар сәнәғәттең төрлө тармаҡтарында кооперация бәйләнештәрен формалаштырыу өлкәһендә хеҙмәттәшлек үҫеше йүнәлештәрен тикшерҙе. - Башҡортостанда тәбрикләүебеҙгә шатбыҙ. Һөҙөмтәле хеҙмәттәшлек өсөн беҙҙә уникаль мөмкинлектәр бар.Үзбәкстандан коллегаларыбыҙҙың республикабыҙ мөмкинлектәренә ҙур ҡыҙыҡһыныуын күрәбеҙ. Беҙҙә тауар әйләнеше насар түгел. Уның артабанғы үҫеше өсөн мөмкинлектәр ҙә бар. Тәрән сәнәғәт кооперация өсөн яҡшы потенциал булыуын да билдәләү мөһим. Үзбәкстан иҡтисады яҡшы үҫешә, һәм беҙҙең өсөн һеҙ мөһим стратегик партнерҙарҙың береһе булып тораһығыҙ, - тине Радий Хәбиров. Үзбәкстандың энергетика министры Журабек Мирзамахмудов төбәк етәкселегенә йылы ҡабул итеүҙәре өсөн рәхмәтен белдерҙе. - Әлбиттә, беҙгә һеҙҙең сәнәғәт предприятиеларын өйрәнеү ҡыҙыҡлы. Беҙ республиканың яҡшы үҫешен күрәбеҙ һәм төрлө тармаҡта үҙ-ара бәйләнеште нығытырға ниәтләйбеҙ, - тине Журабек Мирзамахмудов. - Беҙ шулай уҡ Үзбәкстандың Ташкент өлкәһе биләмәһендә технопарк булдырыу өсөн майҙансыҡ бүлергә әҙербеҙ. Унда Башҡортостан менән берлектә перспективалы проекттарҙы тормошҡа ашырырға ниәтләйбеҙ. Фото: Башҡортостан Башлығы сайтынан.