Башҡортостан Республикаһының рәсми делегацияһы вәкилдәре 17 – 21 майҙа Ҡытайҙың Харбин ҡалаһында барған VIII Рәсәй һәм Ҡытай ЭКСПО күргәҙмәһе эшендә ҡатнаша. Хөкүмәт вәкилдәре Башҡортостандың иҡтисади һәм инвестиция ҡеүәтен Ҡытайҙың эшлекле даирәләренә, шулай уҡ Рәсәй компанияларына һәм эшҡыуарҙарына презентацияланы. Премьер-министр Андрей Назаров Ҡытайҙың Башҡортостан өсөн сауҙа-иҡтисади мөнәсәбәттәрҙә төп партнер икәнлеге тураһында һөйләне. Былтырғы һөҙөмтәләргә ҡарағанда, уның тышҡы сауҙа әйләнешендәге өлөшө 25 процент тирәһе тәшкил итте. Был – Башҡортостан үҙ-ара мөнәсәбәт алып барған 100-ҙән ашыу сит ил дәүләте араһында беренсе урын. - Башҡортостан бер нисә өҫтөнлөк һөҙөмтәһендә абруй менән файҙалана. Беҙ Европа менән Азия сигендә урынлашҡанбыҙ һәм илдең төп артерияларының сауҙа киҫелеше урыны булып торабыҙ. Беҙҙең эргәләге 500 километр радиусында халҡы миллион булған биш ҡала урынлашҡан. Ҙур ғына сауҙа баҙарын тәшкил итә. Һәм, һис һүҙһеҙ, был – республика биләмәһенә ингән инвесторға тәҡдим ителгән максималь субсидиялар һәм преференциялар, - тине Андрей Назаров. Башҡортостандың тышҡы иҡтисади бәйләнештәр һәм конгресс эшмәкәрлеге министры Маргарита Болычева дуҫ илдәр менән һөҙөмтәле экспорт-логистика инфраструктураһын формалаштырыу буйынса проекттарҙы тормошҡа ашырыу тураһында һөйләне. - Шулай итеп, Ағиҙел ҡалаһында йылға порты төҙөлөшө ошондай проекттарҙың береһе булыуы мөмкин. Һыу юлы Рәсәйҙең Европа өлөшөн суднолар йөрөгән йылғалар аша Балтик, Ағиҙел, Азов, Ҡара диңгеҙ, Каспий диңгеҙҙәре менән порт зонаһын бәйләйәсәк. Был Иранға, Һиндостанға һәм, әлбиттә, Ҡытайға тура ташыу юлын аса. Бынан тыш, Рәсәй Федерацияһы менән Ҡытай Халыҡ Республикаһының Ҡаҙағстан менән дөйөм сиктәре бар. Рәсәй уның төньяҡ өлөшө, Ҡытай көньяҡ өлөшө менән сиктәш. Логистиканы яҡшыртыу өсөн “Сибай – Подольск – Яңы Руда” тимер юлы төҙөлөшө проекты башланғысы менән сығыш яһаныҡ. Ул логистик юлды 250 километрға ҡыҫҡартасаҡ, - тине Маргарита Болычева. Башҡортостан Хөкүмәте Премьер-министры урынбаҫары – сәнәғәт, энергетика һәм инновациялар министры Александр Шельдяев төбәктең идустриаль ҡеүәте менән таныштырҙы. Ул сеймал булмаған экспортты һәм етештереүҙе локализациялауҙы үҫтереүҙе арттырыуҙы тәҡдим итте. Башҡортостан Ҡытайҙың ауыл хужалығы продукцияһының күп кенә төрө буйынса ихтыяжын ҡәнәғәтләндерә ала. Был хаҡта үҙ сығышында Башҡортостан Хөкүмәте урынбаҫары – республиканың ауыл хужалығы министры Илшат Фәзрахманов һөйләне. Төбәк аҙыҡ-түлектең төп төрҙәрен тиерлек етештерә - ҡымыҙ һәм бал, һыйыр ите һәм һөт етештереү буйынса лидер. - 2023 йылда Ҡытай 44 миллион долларлыҡ 72 мең тоннанан ашыу продукцияны экспортланы. Нигеҙҙә, был – көнбағыш һәм етен майы. Күп кенә ауыл хужалығы предприятиеларыбыҙҙа Ҡытайҙа етештерелгән тракторҙар һәм йөк машиналары файҙаланыла, - тине вице-премьер. Дөйөм алғанда, Башҡортостанды сит ил инвесторҙарына тәҡдим ителгән шарттар һөҙөмтәһендә һайлайҙар. Ҡытай Халыҡ Республикаһынан партнерҙар өсөн махсус рәүештә үҙ эсенә дүрт йүнәлеште алған ярҙам программаһы формалашҡан, тип билдәләне сығышында Андрей Назаров. Спикерҙар фәнни берҙәмлектәр, вуздар араһындағы бәйләнештәрҙе киңәйтеү кәрәклеге, ғилми проекттарҙы тормошҡа ашырыу, шул иҫәптән донъя кимәлендәге Евразия фәнни-ғилми үҙәге ярҙамында кәрәклегенә күрһәттеләр. Башҡортостандың туристик ҡеүәте тураһында һөйләгәндә республиканың эшҡыуарлыҡ һәм туризм министры урынбаҫары Илнур Таҡтаев йыл һайын республикаға ике миллион туристың килеүе тураһында һөйләне. Презентацияны тамамлап, Башҡортостан делегацияһы Ҡытай һәм Рәсәй коллегаларын Бөтә Рәсәй “Урал аръяғы” инвестиция һабантуйына саҡырҙы. Ул 24 – 26 майҙа Сибайҙа үткәрелә. Шулай уҡ Өфөнөң 450 йыллығына ла саҡырҙылар. Фото, сығанаҡ: pravitelstvorb.ru/news/23921/