Ҡытайҙағы 20 университет менән хеҙмәттәшлек булдырылды

Өфө фән һәм технологиялар университеты Ҡытайҙағы 20 университеты менән хеҙмәттәшлек булдырҙы. Чанчжоу университеты, Нанкин Теч университеты, Нанкин аэронавтика һәм астронавтика университеты һәм Пекин университеты, Ляонин университеты, Цзилинь химик-технологик университеты - вуз-ара кампус резидентының иң әүҙем партнерҙары. Әлеге ваҡытта Өфө фән һәм технологиялар университетында Ҡытайҙан төп мәғариф программалары буйынса 19 студент белем ала. Университет, Рәсәй һәм Ҡытай араһында әүҙем мөнәсәбәттәр барлыҡҡа килеүгә ярашлы, фән-белем биреү өлкәһендә үҙ-ара эш итеү арта. Ике илдә лә университет партнерҙары фән бәйләнештәре үҫешендә төп стратегик элемент һәм уҡытыу һәм тикшереүҙәр үткәреү өсөн халыҡ-ара йәлеп итерлек урын булараҡ ҡарала. Мәғариф өлкәһендәге хеҙмәттәшлек тураһындағы беренсе протокол 1998 йылда әле Өфө фән һәм технологиялар университеты булған Башҡорт дәүләт университеты һәм Хунань педагогия университеты араһында ҡул ҡуйылған. - Исемдәре күптәргә билдәле ғалимдар Игорь Александров һәм Руслан Вәлиев тарафынан Өфө фән һәм технологиялар университеты һәм Ҡытай университеттары араһында булдырылған элекке фәнни бәйләнештәрҙе билдәләп үтергә кәрәк, - тип белдерҙе Өфө университеты ректоры Вадим Захаров. – Физика, математика фәндәре докторы, металдарҙы һәм металдар физикаһын өйрәнеү кафедраһы профессоры Игорь Александров Өфө университеты һәм Ҡытай Халыҡ Республикаһы араһындағы хеҙмәттәшлеккә индергән өлөш өсөн Ҡытайҙың юғары наградаһы менән бүләкләнде. Был Рәсәй мәғарифының һәм фәненең донъя аренаһындағы ҡеүәтен күрһәтә һәм илдәребеҙ араһындағы эшлекле, дуҫ мөнәсәбәттең үҫеше мөһимлеге, киләсәге траһында һөйләй. Йыл һайын Ҡытай вуздары менән хеҙмәттәшлек офоҡтары студенттарҙы уҡытыу һәм академия мобиллеге программаларында әүҙемлеге менән генә сикләнмәй. - Йыл һайын Ҡытай вуздарынан һәм Өфө фән һәм технологиялар университетынан 100-ҙән ашыу студент академия мобиллеге программаһында ҡатнаша, ти Вадим Захаров. – Ляонин һәм Цзилинь химик-технологик университеттары, Шэньян технологик институты, Чанчжоу университеты менән хеҙмәттәшлек тураһындағы килешеүгә ярашлы, “Иҡтисад”, “Филология”, “Химик технология”, “Электромеханика һәм автоматлаштырыу”, “Материалдар өйрәнеү” йүнәлештәре буйынса ике диплом программалары тормошҡа ашырыла. Ә Ляонин университеты менән икеләтә диплом программаһын Өфө фән һәм технологиялар университетының “визит карточкаһы”, вузыбыҙға Рәсәй мәктәптәренең һәм колледждарының һәләтле тамамлаусыларын йәлеп итеүҙең уңышлы инструменты тип атарға мөмкин. Әле Ҡытай вузында “Иҡтисад” йүәнлеше буйынса Өфөнән 36 студент белем ала. Быйыл июндә һәм сентябрҙә, Башҡортостан Башлығы Грантына ярашлы, Өфө фән һәм технологиялар университетынан 33 хеҙмәткәрҙең Чанчжоу һәм Нанкин университеттарына төрлө йүнәлештәр буйынса ғилми стажировкаға барыу планлаштырыла. Киләһе уҡыу йылында Өфө университетында Ҡытайҙан 30 студент килеүе көтөлә. Улар Рәсәйгә рус телен өйрәнеү өсөн киләсәк. Ә Өфөнәнә 40 студент Ҡытай Халыҡ Республикаһына ҡытай телен өйрәнергә барасаҡ. Фото, сығанаҡ: pravitelstvorb.ru/news/23919/