“Башҡортостан делегацияһы Харбинда эшләй, унда бөгөн Рәсәй Президенты Владимир Путин VIII Рәсәй-Ҡытай ЭКСПО-һын асыу тантанаһында ҡатнашты. Күргәҙмәләге Рәсәй экспозицияһында урын алған 16 төбәк араһында Башҡортостан да бар. Башҡортостан стенды ҡунаҡтарҙы төбәктең төрлө өлкәләге ҡаҙаныштары менән таныштыра, бында республиканың инвестиция ҡеүәте һәм төрлө компанияларыбыҙҙың продукцияһы күрһәтелгән. Харбинда урындағы бизнес яғынан һөйләшеүҙәрҙә беҙҙең республикаға ҡыҙыҡһыныу ҙур булыуы ҡыуаныслы – 130-ҙан ашыу компания менән осрашыу үтте. Беҙҙең эшҡыуарлыҡҡа бындай иғтибар Ҡытай коллегаларыбыҙҙа осраҡлы хәл түгел. Иҫегеҙгә төшөрөп үтәм, Ҡытай Халыҡ Республикаһы – беҙҙең беренсе партнерыбыҙ. Беҙҙең уртаҡ эшкәртмәләребеҙ байтаҡ һәм хеҙмәттәшлекте киңәйтеүгә үҙ-ара ҡыҙыҡһыныуҙарыбыҙ юғары. Рәсәй Президенты Владимир Путиндың Ҡытай Коммунистар партияһы рәйесе Си Цзиньпин менән осрашыу һөҙөмтәләре ғәмәлдәребеҙҙең ышанысын һәм Ҡытай Халыҡ Республикаһы менән эшлекле һәм мәҙәни-гуманитар бәйләнештәрҙең артабан да әүҙем киңәйеүен раҫлай”, - тип яҙҙы Андрей Назаров. Сығанаҡ: vk.com/agnazarov