"Урал аръяғы" Бөтә Рәсәй инвестиция һабантуйына рәхим итегеҙ!

24 майҙан 26-ына тиклем Сибай ҡалаһында «Урал аръяғы-2024» Бөтә Рәсәй инвестиция һабантуйы уҙғарыла. Форумда төрлө илдәрҙән делегациялар ҡатнаша. Инвестиция-һабантуйында ҡатнашыусыларҙы сәләмләп, РФ Дәүләт Думаһының Финанс баҙары комитеты рәйесе Анатолий Аксаков уларға Рәсәйҙә инвестиция процесын үҫтереү буйынса мөһим мәсьәләләрҙе тикшереү барышында уңышлы дискуссиялар теләне. Иҫегеҙгә төшөрәбеҙ, «Урал аръяғы-2024» Бөтә Рәсәй инвестиция һабантуйын ойоштороусылар булып Стратегик башланғыстар агентлығы һәм Башҡортостан Хөкүмәте сығыш яһай. Иҡтисади форумда шулай уҡ федераль һәм төбәк дәүләт учреждениелары, Рәсәй һәм сит ил компаниялары вәкилдәре, инвесторҙар, эксперттар, билдәле дәүләт һәм йәмәғәт эшмәкәрҙәре ҡатнашасаҡ. Фото: forum-zauralye.