Ҡытай Халыҡ Республикаһында Башҡортостандың инвестиция ҡеүәте менән таныштырҙылар

Уны Ҡытайҙың бер нисә йөҙ эшҡыуары, ассоциация һәм тармаҡ палаталары вәкилдәре ҡараны. Сара барышында эре сәнәғәт компанияларының башланғыстары һәм республикабыҙҙың төрлө тармаҡтарҙағы бизнес-мөмкинлектәре менән таныштырҙылар. Ҡытай – Башҡортостандың төп партнерҙарҙың береһе. Башҡортостан Республикаһы Премьер-министры Андрей Назаров презентация ваҡытында республикаларҙың уңайлы урынлашыуын билдәләп үтте. Был үҙ-ара отошло логистика һәм транспорт бәйләнешен булдырыуға ыңғай йоғонто яһаясаҡ. – Миҫалдарҙың береһе – Ағиҙел ҡалаһында йылға портын төҙөү булыуы мөмкин, – тине ул. Иҡтисади мөнәсәбәттәрҙе үҫтереү, атап әйткәндә, сеймал булмаған экспортты арттырыу өсөн беҙҙекеләр автомобиль эшләү, Башҡортостан территорияһында ҡытай концерндарының йыйыу производстволарын ойоштороу йүнәлешендә эште көсәйтергә тәҡдим итте. Ҡытай Халыҡ Республикаһынан партнерҙарға максималь һалым өҫтөнлөктәре һәм субсидиялар, дәүләт ярҙамы сараларын күрһәтеүҙә юғары тиҙлек һәм башҡалар тураһында һөйләнеләр. Бынан тыш, Башҡортостан вәкилдәре туристик һәм гуманитар өлкәлә хеҙмәттәшлекте үҫтереү мөмкинлектәрен күрһәтте. Яҡтар ғилми берләшмәләр, юғары уҡыу йорттары араһында бәйләнеште киңәйтеү кәрәклеге тураһында һөйләште, шулай уҡ берлектәге ғилми проекттарҙы тормошҡа ашырыу мөмкинлектәрен тикшерҙе. Һуңынан Башҡортостандан ҡунаҡтар Ҡытайҙан коллегаларын 24-26 майҙа Сибайҙа үтәсәк ”Урал аръяғы” бөтә Рәсәй инвестиция һабантуйында ҡатнашырға саҡырҙы. https://resbash.ru/news/ekonomika/2024-05-16/investitsionnyy-potentsial-bashkirii-prezentovali-v-gorode-shenyan-knr-3768776 Фото: БР хөкүмәтенең матбуғат хеҙмәте.