Өфөлә 24 – 26 майҙа Халыҡ-ара “Китап байрамы- 2024” китап йәрминкәһе үтә. Яҡын сит илдәрҙән – Белоруссия, Азербайжан, Үзбәкстан, Тажикстан, Ҡаҙағстан һәм Ҡырғыҙстандан сарала ҡатнашыу өсөн ғаризалар ебәрелә. Өс көн буйы баш ҡала яҙыусылар, актерҙар, психологтар, ҡунаҡтар, китап һөйөүселәр үҙәгенә әйләнәсәк. Рәсәйҙең 18 субъектынан 233 нәшриәт үҙ продукцияһын тәҡдим итәсәк. Ошонда уҡ “Халыҡтар дуҫлығы – әҙәбиәттәр дуҫлығы” девизы аҫтында Яҙыусылар союзының пленумы ла уҙғарыла. Китап байрамына билдәле яҙыусыларҙың да килеүе көтөлә. Улар араһында сценарист, детективтар авторы, иң күп тираж менән китап сығарыусы яҙыусы Дарья Донцова ла бар. Ул үҙ уҡыусыларын Өфөнөң Совет майҙанында 25 майҙа көтә. Видео по ссылке: https://disk.yandex.ru/i/ioy8AlhGzASyRQ