Вилена Дан ҡыҙы Ҡәйепова Хәйбулла районының Мәмбәт моделле ауыл китапханаһында 2017 йылдан эшләй. Тырышлығы, һәләтлелеге, китапҡа, телгә булған һөйөүе Вилена Дан ҡыҙын китапхана эшенә алып килә. Итәғәтлелеге, кешеләр менән оҫта аралаша белеүе, үҙ бурыстарына яуаплы ҡарауы һөҙөмтәһендә үҙ эшенең оҫтаһы булып танылған ул. Китапхана, бигерәк тә ауыл ерендә, төрлө йәштәге әҙәбиәт һөйөүселәрҙең яратҡан урыны ла. Вилена Дан ҡыҙы төрлө йәштәге китап уҡыусыларҙы китапханаға йәлеп итеп, бихисап конкурстар, викторина - уйындар, китап уҡыусылар менән әңгәмә, тематик кисәләр, әҙәби саралар, оҫталыҡ дәрестәре, китап күргәҙмәләре ойоштороп ҡына ҡалмай, ауыл мәҙәниәт йортонда клуб хеҙмәткәрҙәре менән берлектә һәр төрлө сценарийҙар яҙып, әҙәби-тематик саралар һәм байрамдар әҙерләп уҙғара, оло йәштәге китап уҡыусыларҙың өйҙәренә барып, уларҙы китаптар, гәзит-журналдар менән таныштыра. Китапханала «Ағинәйҙәр», «Туржы ынйылары», «Хужабикәләр», «Тамсылар» исемле балалар өсөн театр түңәрәге, «Киләсәк