Өфөнөң вуз-ара кампусында Ҡытай аспиранттары һәм магистранттары төпләнде

Башҡортостан Хөкүмәтенән хәбәр итеүҙәренсә, Өфө фән һәм технологиялар университетында ғилми стажировка үткән йәш Ҡытай ғалимдары вуз-ара студенттар кампусында эш урындары ойошторҙо. Бында ӨНИТ лабораторияларында эксперименттар үткәргәндән һуң аспиранттар һәм магистранттар алынған мәғлүмәттәрҙе эшкәртә һәм компьютер моделдәрен төҙөй. Стажировка Өфө университетының Нанкин техник университеты һәм Чанчжоу университеты менән хеҙмәттәшлеге тураһында килешеү сиктәрендә үтә. Яҡын сит илдәрҙә йәшәгән тикшеренеүселәр Өфө университетының материалдарҙы өйрәнеү ғилеме буйынса көслө фәнни мәктәбе хаҡында белә, профессор Игорь Александровтың хеҙмәттәре менән таныш, шуға күрә Өфөгә диссертациялар һәм сығарылыш эштәре өсөн материал йыйырға килгән. Магистрант Мэн Кунлань нефть үткәргестәр өсөн коррозияға ҡаршы тороусы япмалар менән шөғөлләнә. Ул йылмайып, автобуста ятаҡтан кампусҡа юл тотоп, тел ҡаршылығы арҡаһында ваҡытында сығып етә алмауын һәм туҡталышты үтеп китеүен хәтеренә төшөрә. Сит ил ҡунаҡтар өсөн ашау-эсеү төп проблемаға әүерегән. Сөнки бында дөгө һәм туҡмас урынына - икмәк, ҡытайҙа ғәҙәти булған урам аҙығы - фритюрҙа ҡыҙҙырылған ит йәки диңгеҙ аҙыҡтары ла юҡ. Шуға ла студенттар үҙҙәре бешерә, әммә ҙур теләк менән кафела рус һәм башҡорт аш-һыуын тәмләп ҡарайҙар. Ә бына южанка Мэн ҡарҙы тәүгә күрә, ләкин ҡыйыу рәүештә саңғыларҙы үҙләштерә һәм урыҫ дуҫтары менән ярышып та ҡуя. Мэнға бик уңайлы - уның бүлмәләш күршеһе ҡытай телен өйрәнә һәм уларҙың илендә булырға хыяллана. Ғыҙҙар дуҫлашып та өлгөргән, студент ҡыҙ ҡунаҡтар өсөн ҙур теләк менән экскурсиялар ойоштора, ҡала ситендә йәшәгән туғандары янына йыш ҡына ҡунаҡҡа ла саҡыра. Алда Лянды тағы ярты йыл тикшеренеү эше көтә, ә Мэнды етди һынауҙар: майҙа ул онлайн рәүештә ҡытай уҡытыу программаһы буйынса сығарылыш эшен яҡлай, ә июндә Рәсәй комиссияһына дипломын тәҡдим итәсәк. Ә һуңынан Өфөлә ҡаласаҡ һәм рус телен өйрәнеүен дауам итәсәк. Шуға күрә йәй көнө ҡунаҡтарыбыҙҙың Башҡортостандың матур, сәскә атҡан тәбиғәте менән яҡындан танышыу мөмкинлеге буласаҡ. Фото: Башҡортостан Хөкүмәте сайтынан.