Унда республиканың 25 районынан һәм ҡалаһынан “Үҫеш биләмәһе” республика проекты резиденттары ҡатнаша. Форумдың икенсе көнөндә майҙансыҡҡа “Бәхет территорияһы” хәйриә фондының попечителлек советы рәйесе Каринэ Хәбирова килде. – “Үҫеш биләмәһе” проекты беҙҙең мәктәп йәштәре һорауы буйынса барлыҡҡа килде. Бында улар фекерҙәштәрен таба һәм төрлө йүнәлештәрҙә яңы белем ала. Проектты тормошҡа ашырыу барышында күп кенә йәштәр Росмолодежь.Гранттар конкурстарында еңеү яуланы, “Рәсәй – мөмкинлектәр иле” президент платформаһы проекттарында финалға үтте һәм федераль программаларҙа ҡатнашты, – тине Каринэ Хәбирова. Фестивалдә “Үҫеш биләмәләре” ҡатнашыусылары бөтә Рәсәй форум кампанияһына һәм бөтә Рәсәй йәштәр проекттары конкурсына әҙерләнә. 15 майҙа йәштәр Росмолодежь.Гранттар эксперттары алдында үҙ проекттарын тәҡдим итәсәк. Ошонда уҡ уларҙы тормошҡа ашырыу өсөн грант алыу-алмауҙары билдәле буласаҡ. Фото: pravitelstvorb.ru