Бюст Дыуан күп профилле колледжы филиалы алдындағы скверҙа урынлашҡан. БР Хөкүмәте Премьер-министрының беренсе урынбаҫары Урал Килсенбаев тантанала ҡатнашты һәм Артур Әхмәтхановтың республика үҫешенә ҙур өлөш индергәнен билдәләп үтте. – Артур Фәрүәз улы – батырлыҡ һәм ысын ҡаһарманлыҡ өлгөһө. Ошо өлгөгә таянып, бөгөнгө көндә үҫеп килгән быуынды тәрбиәләү мөһим. Артур Әхмәтханов бөтә ғүмерен йәмәғәт именлегенә хеҙмәт итеүгә, илебеҙ граждандарын яҡлауға бағышланы, – тине Урал Таһир улы. Әйткәндәй, Артур Фәрүәз улы Әхмәтханов 1962 йылдың 15 ноябрендә Салауат районының Торналы ауылында тыуған. Полиция оперуполномоченныйынан алып Төньяҡ Осетия Республикаһы эске эштәр министры һәм Башҡортостан Республикаһы хөкүмәте премьер-министры урынбаҫары вазифаһын башҡарыусыға тиклем юл үткән. Митинг бер минут тынлыҡ менән тамамланды. Фото: pravitelstvorb.ru