12 майҙа «Рәсәй» халыҡ-ара күргәҙмә-форумында «Йәштәр һәм балалар: йәштәр сәйәсәте һәм тәрбиә» милли өҫтөнлөктәр көнө үтте. Күргәҙмәнең төрлө майҙансыҡтарында ете меңдән ашыу кеше өсөн 100-ҙән ашыу сара үткәрелде. Башҡортостан стендында күргәҙмә ҡунаҡтары өсөн интерактивтар һәм төрлө әүҙемлектәр эшләүен дауам итә. Программа сиктәрендә Йәштәр эштәре буйынса федераль агентлыҡ етәксеһе Ксения Разуваева, Рәсәй мәғариф министрының беренсе урынбаҫары Александр Бугаев, Рәсәйҙең фән һәм юғары белем министры урынбаҫары Ольга Петрова, «Беренселәр хәрәкәте» Рәсәй балалар һәм йәштәр хәрәкәте идараһы рәйесе Григорий Гуров һәм Ямал-Ненец автономиялы округы губернаторы, Дәүләт советының «Йәштәр сәйәсәте» йүнәлеше буйынса комиссия рәйесе Дмитрий Артюхов «Йәштәр һәм балалар» милли проектының структураһы һәм концепцияһы менән таныштырҙы. Әлеге ваҡытта милли проект «Рәсәй - мөмкинлектәр иле», «Бөтә иң яҡшы балаларға», «Донъяла Рәсәй», «Педагогтар һәм остаздар», «Беҙ бергә (гармониялы үҫешкән шәхес тәрбиәләү)» һәм «Алдынғы мәктәптәр» кеүек алты федераль проекттан тора. Күргәҙмәлә шулай уҡ 100-ҙән ашыу төрлө сара үтте, уларҙың һәр береһе «Йәштәр һәм балалар» милли проектының биш федераль проектының төп йүнәлештәрен сағылдыра. Сығанаҡ: https://pravitelstvorb.ru/news/23839/