Ադրբեջանում տեղի ունեցած 5 մագնիտուդով երկրաշարժը զգացել են նաև Սյունիքի մարզում, հայտնում է ՀՀ ՆԳՆ փրկարար ծառայությունը։
Ըստ ՆԳՆ-ի՝ 5,0 մագնիտուդ հզորությամբ երկրաշարժը տեղի է ունեցել մայիսի 11-ին՝ ժամը 17:21-ին, Ադրբեջանի Լենքորան քաղաքից 17 կմ հյուսիս, էպիկենտրոնային գոտում ստորգետնյա ցնցման ուժգնությունը կազմել է 6-7 բալ:
Ծառայության տվյալներով՝ երկրաշարժը զգացվել է Սյունիքի մարզի Կապան, Քաջարան, Ագարակ, Մեղրի քաղաքներում, Ալվանք, Նռնաձոր և Շվանիձոր գյուղերում՝ 4 բալ ուժգնությամբ։
Նորություններին հետևեք մեր կայքում (https://armeniatoday.news/hy), ինչպես նաև Telegram-ում (https://t.me/armtodayarm) և YouTube-ում (https://www.youtube.com/channel/UCzt73kS8-2XS9q5cLubs3ww)