“Һаулыҡ һаҡлау” милли проектының тәүге звеноны яңыртыу программаһына ярашлы, Дүртөйлө районының Байгилде ауылында тантаналы шарттарҙа яңы фельдшер-акушерлыҡ пункты асылды.Программаның маҡсаты – халыҡҡа медицина ярҙамын мөмкин тиклем яҡынайтыу. Яңы медицина учреждениеһы Байгилде халҡынан башҡа Ҡаҙы-Йәлдәк һәм Йәлдәк ауылдары кешеләрен дә хеҙмәтләндерәсәк. Барлығы – 393 кешене. Пациенттар бында диспансерлаштырыуҙың тәүге этабын үтеү мөмкинлегенә эйә, шулай уҡ эшкә яраҡһыҙлыҡ ҡағыҙҙарын асырға, дарыу препараттарына электрон рецептар алырға мөмкин буласаҡ. Электрокардиограмманы дистанцион рәүештә тапшырыу, Дүртөйлө үҙәк район дауаханаһы белгестәре менән телемедицина консультацияларын үткәреү мөмкинлеге булыуы ҡатмарлы мәсьәләләрҙе тиҙ хәл итергә булышасаҡ. Яңы ФАП-та медик-санитар ярҙам күрһәтеү өсөн бөтә уңайлыҡтар бар. –Ауылда яҡшы эшләү өсөн тейешле шарттар тыуҙырылыуы һәм заманса ҡорамалдар алыныуы өсөн бик шатландым. Пациенттар ҙа ҡәнәғәт, – ти фельдшер Лидия Николаева. Рәсәй Президен