Югары Ослан районы мәдәният йорты паркында Халыкара Гаилә көненә багышланган "Гаилә яратуы мине саклый" хәйрия бәйрәме узды. Чараны оештыручылар - район мәдәният йорты хезмәткәрләре, аларның дуслары Ләйсән Галиуллина һәм Резеда Мәмәтадҗиева, Резеда Марсель кызы җитәкчелегендәге "Тыныч күк телибез" хәйрия фонды һәм волонтерлар сәламәтлек мөмкинлекләре чикләнгән балаларны һәм аларның ата-аналарын, ятим балаларны һәм аларның опекуннарын, шулай ук үз балаларын ялгыз тәрбияләүче ата-аналарны бәйрәмгә чакырдылар. Программа уеннар, конкурслар, маэстро Маратның искиткеч җырлары белән үрелеп барды. Бәйрәмнең ике сәгатьлек программасы, призларның күплеге, балалар һәм өлкәннәр өчен мастер-класслар белән сизелмичә үтеп китте. Чара матур гадәт буенча бәйрәм өстәле артында бүләкләр тапшыру һәм кунакларны сыйлау белән тәмамланды.