Уҡыусыларҙы вуз-ара кампуста үтәсәк конференцияға саҡыралар

2024 йылдың 31 майында Өфөлә Евразия ғилми-белем биреү үҙәгенең вуз-ара студенттар кампусында «Йәш техниктар һәм уйлап табыусылар» XI Бөтә Рәсәй конференцияһының төбәк этабы уҙа. Сара «Мәғариф» милли проектына ярашлы, «Башҡортостан Республикаһы мәғарифын үҫтереү» дәүләт программаһының «Һәр баланың уңышы» төбәк проектын тормошҡа ашырыу сиктәрендә уҙғарыла. Конференцияны «Рәсәй тимер юлдары» асыҡ акционерҙар йәмғиәте һәм Вуз-ара студенттар кампусы менән берлектә БР Мәғариф һәм фән министрлығы, «Йәш техниктар һәм уйлап табыусылар» балалар фәнни һәм техник ижадына ярҙам фонды, Дәүләт Думаһының Граждандар йәмғиәтен үҫтереү, ижтимағи һәм дини берекмәләр мәсьәләләре буйынса комитеты һәм «Башҡортостан кванториумы» республика балалар белем биреү технопаркы ойоштора. Конференцияның маҡсаты – фән һәм техника өлкәһендә балаларҙың һәм йәштәрҙең ижади потенциалын асыу, балаларҙы реаль технологик бурыстарҙы хәл итеүгә йәлеп итеү. Сарала 7 – 18 йәшлек уҡыусылар ҡатнаша ала. Ярыштар медицина, аҡыллы донъя, сәнәғәт технологиялары һәм инженер ҡарарҙары, киләсәктең транспорт технологиялары, ИТ һәм виртуаль технологиялар, ирекмәнлек һәм социаль проекттар, экология һәм тирә-яҡ мөхитте һаҡлау, “Мин Ватанымды яратам” номинациялары буйынса үтәсәк. Өҫтәмә белем биреү уҡытыусылары «Йыл остазы» номинацияһында ҡатнаша ала. Бөтә Рәсәй һайлап алыу этабында еңеүселәр һәм остаздар 2024 йылдың 13 сентябрендә Рәсәй Дәүләт Думаһында үтәсәк «Йәш техниктар һәм уйлап табыусылар» Бөтә Рәсәй конференцияһы финалында үҙ проекттары менән таныштырыу өсөн Мәскәүгә барасаҡ. Сара хаҡында бөтә мәғлүмәт конкурстың һәм конференцияның рәсми мәғлүмәт ресурсы булған юные-техники.рф сайтында урын алған. 24 майға тиклем конференцияның төбәк һайлап алыу этабында ҡатнашыу өсөн заявка бирергә кәрәк. Быны түбәндәге алымдар ярҙамында эшләргә мөмкин: - һылтанма буйынса Башҡортостан Республикаһы балаларына өҫтәмә белем биреү Навигаторына яҙылырға. - һылтанма буйынса Google-анкетала теркәлергә. - документтар пакетын rtekhnopark@yandex.ru электр почтаһына ебәрергә. Белешмә өсөн: Өфө вуз-ара кампусы Рәсәй Президенты Владимир Путиндың ҡушыуы һәм Рәсәй Фән һәм юғары белем министрлығының «Фән һәм университеттар» милли проектын тормошҡа ашырыуға ярашлы төҙөлә. Өфө кампусы проекты – ул 4,3 мең кешегә иҫәпләнгән торлаҡ биналар, уҡыу-ғилми комплексы, лабораториялар, эшлекле биләмәләр, магазиндар, уңайлы скверҙар һәм башҡа заманса ҡала мөхите объекттары булған студенттар биләмәһе. Сығанаҡ: pravitelstvorb.ru