«Халыҡ-ара кооперация һәм экспорт» милли проектының маҡсаттарын тормошҡа ашырыу өсөн «Ашығыс экспорт ярҙамы» эшсе төркөмө Өфө ҡалаһы Октябрь районының аҙыҡ-түлек һәм металл эшкәртеү сәнәғәте өлкәһендәге ике предприятиеһында булды. Был хаҡта Башҡортостан Республикаһының тышҡы иҡтисади бәйләнештәр һәм конгресс эшмәкәрлеге министры Маргарита Болычева хәбәр итте. - 2021 йылдың февраленән Башҡортостандың 400-ҙән ашыу предприятиеһында «Ашығыс экспорт ярҙамы» белгестәре булды. 114-се сәфәр Өфө ҡалаһының Октябрь районында үтте. Уның барышында коллегалар эшҡыуарҙарға экспортҡа сығыу өсөн уңайлы шарттар булдырыу өсөн Башҡортостан Республикаһының Тышҡы иҡтисади бәйләнештәр һәм конгресс эшмәкәрлеге министрлығы һәм Экспортҡа булышлыҡ итеү төбәк үҙәге тарафынан тормошҡа ашырылған экспортерҙарға төрлө ярҙам саралары тураһында һөйләне, – тип белдерҙе Маргарита Болычева. Сәфәр сиктәрендә эшсе төркөм кофе һәм сәй етештереү һәм һатыу; йылылыҡ энергетикаһы, химия, нефть химияһы, металлургия һәм атом сәнәғәте өлкәһендәге сәнәғәт ҡорамалдары өсөн һаҡлағыс кожухтар етештереү предприятиеларында булды. «Ашығыс экспорт ярҙамы» эксперттары эшҡыуарҙарға төбәк һәм федераль ярҙам саралары йүнәлеше буйынса консультациялар һәм ҡыҙыҡһындырған һорауҙарына яуап бирҙе. «Ашығыс экспорт ярҙамы» белгестәренә визитҡа йәки консультацияға ғаризаны электрон почта йәки телефон аша ҡалдырырға мөмкин: exportcenter@bashkortostan.ru, +7 347 246 89 28, +7 989 821 49 87. Хатта түбәндәге үҙенсәлектәрҙе күрһәтергә кәрәк: компанияның ҡыҫҡаса тасуирламаһы; сайт йәки социаль селтәрҙәр; бәйләнеш сығанаҡтары. «Ашығыс экспорт ярҙамы» программаһы Башҡортостан Республикаһында «Халыҡ-ара кооперация һәм экспорт» милли проекты сиктәрендә 2021 йылдан тормошҡа ашырыла. Рәсәй Федерацияһы Президентының 2020 йылдың 21 июлендәге 474-се Указына ярашлы «Лайыҡлы һәм һөҙөмтәле хеҙмәт һәм уңышлы эшҡыуарлыҡ» милли маҡсаты сиктәрендә «Халыҡ-ара кооперация һәм экспорт» милли проекты тормошҡа ашырыла, уның маҡсаты-2030 йылға сеймал булмаған, энергетика тармағына ҡарамаған тауарҙар экспортының 2020 йыл менән сағыштырғанда 70 проценттан кәм булмаған аныҡ үҫешен тәьмин итеү. Фото: pravitelstvorb.ru