Лилиә Ғүмәрова: "Ҡыйыуҙар һәм эшһөйәрҙәр өсөн яңы мөмкинлектәр"

Федерация Советы комитетының фән, мәғариф һәм мәҙәниәт буйынса рәйесе Лилиә Ғүмәрова хәҙерге заман шарттарында дәүләт менән эшҡыуарҙар үҙ-ара бәйләнеш булдырырға, тәжрибә уртаҡлашырға һәм үҙгәрештәргә әҙер булырға тейеш, тип белдерҙе. – Белеүегеҙсә, бығаса булмаған санкция баҫымы - беҙҙең өсөн тотош дәүләттәр ябыла, логистик бәйләнештәр боҙола. Әммә тормош ошоноң менән бөтә икән тип уйларға һәм ҡайғырырға түгел. Был – үҙҙәренең эшкә мөнәсәбәте, тырышлығы, компетенцияһы менән бәйләнештәр булдыра алыусы ҡыйыуҙар, эшһөйәрҙәр, эшҡыуарҙар өсөн яңы мөмкинлектәр, – ти Лилиә Ғүмәрова. Бындай әүҙем позиция сифатында Федерация Советының Фән, мәғариф һәм мәҙәниәт буйынса комитеты рәйесе Беларусь Республикаһы менән Башҡортостан Республикаһы араһында хеҙмәттәшлекте миҫалға килтерҙе. Ике төбәк эшҡыуарҙары ла партнерҙар эҙләй, килешеүҙәр төҙөй һәм берлектәге предприятиелар аса. Ул шулай уҡ инвестһабантуйҙың халыҡтар берҙәмлеге байрамына ғына түгел, бизнесты әүҙем үҫтереү майҙансығына ла әүерелеүен билдәләне. - Инвестһабантуй халыҡ байрамына әйләнде. Улар араһында йырҙар ҙа, милли музыка ла, һый-ниғмәттәр ҙә, традицион аш-һыу ҙа бар. Ошо йәһәттән эшҡыуарҙар һәм бизнес партнерҙар эҙләй, килешеүҙәр төҙөй, берлектәге предприятиелар аса, йәки бөгөн дәүләттәр иҡтисады талап иткән бик мөһим йүнәлештәр буйынса инвесторҙар булып сығыш яһай, - тип һыҙыҡ өҫтөнә алды Лилиә Ғүмәрова. Иҫегеҙгә төшөрәбеҙ, «Урал аръяғы-2024» Бөтә Рәсәй инвестиция һабантуйын ойоштороусылар булып Стратегик башланғыстар агентлығы һәм Башҡортостан Хөкүмәте сығыш яһай. Иҡтисади форумда шулай уҡ федераль һәм төбәк дәүләт учреждениелары, Рәсәй һәм сит ил компаниялары вәкилдәре, инвесторҙар, эксперттар, билдәле дәүләт һәм йәмәғәт эшмәкәрҙәре ҡатнашасаҡ. Фото: forum-zauralye.com.