Олохтоох дьаһалта бирииһигэр дуобат күрэхтэһиитэ.

Ыам ыйын 4 күнүгэр Россияҕа Дьиэ кэргэн уонна Саха Өрөспүүбүлүкэтигэр биллэриллибит Оҕо саас сылыгар анаммыт дуобакка сылын аайы ыытыллар дьиэ кэргэн күрэхтэһиитэ буолла. Тэрийээччилэринэн олохтоох дьаһалта (баһылык Э.Е.Филиппов) уонна Н.М.Родионова аатынан оҕо дьоҕурун сайыннарар киин (директор А.В.Антонова) буоллулар. Турнирга барыта 14 дьиэ кэргэн күөн көрүстэ. Судьуйалар Г.Николаев, М.Григорьева 7 тур түмүгүнэн кыайыылаахтары быһаардылар. Кыра кылаастар ортолоругар: 1 м. Тимур, Василий Уаровтар, 2 м. Күндүмэн, Марианна Григорьевтар, 3 м. Байдам, Алена Ксенофонтовтар. Улахан кылаастарга: 1 м Айыына, Алексей Григорьевтар, 2 м Эрчим Чойнов уонна Иван Владимирович, 3 м Камилла, Гаврил Ефремовтар буоллулар. Кыайыылаахтар мэтээлинэн уонна олохтоох дьаһалта туруорбут сыаналаах бириистэринэн наҕараадаланнылар. Үчүгэй оонньууну көрдөрбут Уран, Люция Григорьевтар, Настя, Мария Поповалар, Айхал, Василий Спиридоновтар, Нина, Анастасия Чолбодукова, Денис, Валерий Торговкиннар, Айастаан, Егор Мурзабаевтар, Амелия, Инна Петровалар, Мирон, Анатолий Прокопьевтар бэлэх сэртипикээттэринэн наҕараадаланнылар, анал номинацияларынан ааттаннылар, кылаас салайааччылара туруорбут бириистэринэн бэлиэтэннилэр. Саамай үчүгэй көрдөрүүнү ситиспит, хотторууну билбэтэх Чойнов Эрчимэн Попов И.В. туруорбут анал бирииһинэн наҕараадаланна. Бары илии тутуурдаах, өттүк харалаах уөрэн-көтөн тарҕастылар. Бириис биэрбит кылаас салайааччыларыгар: С.Ф.Кривошапкинаҕа, Е.П.Даниловаҕа, Н.С.Потаповаҕа уонна бэйэтин бирииһин туруорбут дуобат, саахымат энтузиаһа И.В.Поповка, 2-лии бирииһи туруорбут Н.М.Родионова аатынан Оҕо дьоҕурун сайыннарар киин салайааччытыгар А.В.Антоноваҕа уонна тренер М.П.Григорьеваҕа, сүрүн бириистэри анаабыт Сунтаар олохтоох дьаһалтатыгар махталбытын тириэрдэбит. Көхтөөх дуобаччыт дьиэ кэргэннэригэр сааскы чаҕыл күннээх өрөбүлү аахсыбакка кэлэн өйү-санааны эрчийэр дуобат күрэһигэр күөн көрсүбүттэригэр, биир эйгэлээх дьон билсэн, алтыһан ааспыттарыгар барҕа махтал. Тэрийэр сүбэ.