Оҕолор сааскы уһун сынньалаҥнарын кэмигэр Хатаска нуучча дуобатыгар энтузиаст дуобаччыт, маастарга кандидат Сивцев Д.Д. кэриэһигэр аһаҕас республиканскай турнир буолан ааста. Уопсайа 11 улуустан 150 оҕо кыттыыны ылла. Биһиги улуустан Сунтаар алын сүһүөх оскуолатын үһүс кылааһын үөрэнээччитэ Уаров Тимур чемпион үрдүк аатын ылан, кыайыы өрөгөйүн биллэ. Кэскиллээх дуобаччыппытыгар Тимурга дуобат тумара хонуутугар өссө да үрдүк ситиһиилэри , кыайыыларгынан-хотууларгынан Сунтаар аатын өссө да ааттата тураргар баҕарабыт.
