Дәүләкән районы хакимиәте башлығы Илгиз Мөхәмәтйәнов социаль селтәрҙәге сәхифәһендә үҙҙәренең районындағы берҙән-бер ветеранды, Ҡамсылытамаҡ ауылында йәшәүсе Евгений Константинович Григорьевты Бөйөк Еңеү менән ҡотлауҙары тураһында яҙған. Евгений Константинович 1943 йылда Ҡыҙыл Армия сафына алынған һәм Һауа-десант ғәскәрҙәрендә хеҙмәт иткән. “1945 йылда оҙаҡ көткән Еңеү тураһында хәбәр иттеләр”, - тип был көн хаҡында бик яҡшы хәтерләй ветеран. Әммә уның командиры Халютин: “Бик иртә ҡыуанаһығыҙ, егеттәр. Әле беҙгә һуғышырға тура киләсәк”, - ти. Һәм был һүҙҙәр хаҡ булып сыға – Евгений Константинович 1946 йылда ғына демобилизациялана. Ул туған колхозына ҡайта, өйләнә һәм ете бала тәрбиәләйҙәр. Хәҙер ейән-ейәнсәрҙәре тыуған ерҙәрендә ҡәҙерле олаталарының данлы юлын дауам итә. Фотолар, сығанаҡ: vk.com/davlekanovskii_adm