“Халыҡ-ара кооперация һәм экспорт” милли проектын тормошҡа ашырыу сиктәрендә, 16 майҙа 12:00 сәғәттә 2024 йылда тышҡы иҡтисади эшмәкәрлек алып барыу үҙенсәлектәренә арналған консультация үтәсәк. Атап әйткәндә, вебинарҙа ҡатнашыусылар таможня процедураларын үтеүҙе һәм валюта контролен тикшерәсәк. Сараны ойоштороусы – “Рәсәй экспорт үҙәге” акционерҙар йәмғиәте. Был хаҡта Башҡортостандың тышҡы иҡтисади бәйләнештәр һәм конгресс эшмәкәрлеге министры Маргарита Болычева хәбәр итте. – Килеп тыуған геосәйәси хәлгә ҡарамаҫтан, Башҡортостан 2023 йыл йомғаҡтары буйынса 100-ҙән ашыу сит ил менән эшлекле мөнәсәбәттәрен дауам итә. Улар араһында төбәктән экспорт күләме буйынса тәүге 10-ға Ҡытай, Төркиә, Ҡаҙағстан, Берләшкән Ғәрәп Әмирлектәре, Беларусь, Үзбәкстан, Латвия, Ҡырғыҙстан, Нидерландтар һәм Тунис инде. 2024 йылдың ғинуар-февраль мәғлүмәттәр буйынса, 2023 йылдың ошо уҡ осоро менән сағыштырғанда, Үзбәкстан һәм Берләшкән Ғәрәп Әмирлектәре Башҡортостандан экспорт тәьминәте буйынса 170,4 һәм 68,5 процентҡа артҡан. Алдағы вебинар яңы ғына экспортҡа сыҡҡан экспортерҙарға сит илгә тауар ташыу өлкәһендәге белемдәрен арттырырға ярҙам итәсәк, был артабан Башҡортостан продукцияһын маҡсатлы илдәргә өҫтәмә финанс юғалтыуҙарһыҙ оҙатыуға булышлыҡ итәсәк, – тип билдәләне Маргарита Болычева. Килеп тыуған геосәйәси хәлгә ҡарамаҫтан, Башҡортостан 2023 йыл йомғаҡтары буйынса шулай уҡ сарала түбәндәге мәсьәләләр ҡараласаҡ: заманса шарттарҙа логистик ҡарарҙар, экспорт өсөн кәрәкле документтар исемлеге, 2023 йыл йомғаҡтары һәм 2024 йылға фараз. Спикер ролендә таможня рәсмиләштереү, халыҡ-ара йөк ташыу өлкәһендә хеҙмәттәр күрһәтеүсе һәм эшҡыуарҙарға юридик ярҙам күрһәтеүсе компаниялар төркөмөнә нигеҙ һалыусы, таможня рәсмиләштереү һәм таможня көйләү өлкәһендә эксперт Людмила Теселкина сығыш яһаясаҡ. Вебинарҙа ҡатнашыу өсөн 15 майға тиклем “Рәсәй экспорт үҙәге” акционерҙар йәмғиәте сайтында теркәлеү үтергә кәрәк. Барлыҡ һорауҙар буйынса “Рәсәй экспорт үҙәге” акционерҙар йәмғиәтенең бәйләнеш үҙәгенә 8 (800) 550-01-88 телефоны буйынса мөрәжәғәт итергә мөмкин. Белешмә: Рәсәй Федерацияһы Президенты Владимир Путиндың 2020 йылдың 21 июлендәге 474-се указы менән билдәләнгән “Лайыҡлы һәм һөҙөмтәле хеҙмәт һәм уңышлы эшҡыуарлыҡ” милли маҡсаты сиктәрендә “Халыҡ-ара кооперация һәм экспорт” милли проекты (национальный проект “Международная кооперация и эксперт”) тормошҡа ашырыла, уның маҡсаты - 2030 йылға сеймал һәм энергетик булмаған тауарҙар экспортының 2020 йыл менән сағыштырғанда 70 проценттан кәм булмаған реаль үҫешен тәьмин итеү. Маҡсатлы күрһәткескә өлгәшеү “Сәнәғәт экспорты”, “Агросәнәғәт комплексы продукцияһын экспортлау” һәм “Халыҡ-ара кооперацияны һәм экспортты үҫтереүҙең системалы саралары” федераль проекттары сараларын тормошҡа ашырыу иҫәбенә планлаштырыла. Фото һәм мәғлүмәт сығанағы: foreign.bashkortostan.ru/presscenter.