Мусинді жиі сынағасын ба, кейбіреулер орнынан кетуіне қатысты пікір сұрап жүр. Сірә, мені қуаныштан билеуі керек деп ойлайтындар да бар. Ал мен оның тек мына әрекеттерін сынағанмын.
1) Айтидің көрінеу әдемі әрі тез нәтиже беретін қасиетін сарқа пайдаланды және өкінішке қарай, жас бола тұра кәрі аппаратшы шал істейтін тірліктен аса алмады. Оның кезінде, "енді сол құлағың еститіні туралы анықтама ала аласыңдар" деген сияқты жаңалықтар қаптап кетті. Айтишілер қауымы мұндай "жаңалықтың" құны небәрі он-жиырма жол код екенін, аггрегат функцияларды ақырзаманға дейін жаза беруге болатынын біледі.
Басқа жағынан, бұл қылығына өзімше кешіріммен қараймын. Көрінеу нәтижеге ұмтылған жүйе ғой, ол емес. Басқа қайтеді.
2) Цифрлауға қатысты жобаларда экономикалық негіздемелер қайта қаралмады. Меморгандар да, квазимемдер де әлгі, мамин-мәсімовтік монументалистік стильден арыла алмады. Не жоба туралы әңгіме болса да миллиард-миллиард ақша керек деп шыға келетін кесел солайымен қалды. Қазір қит етсең, "бұған Oracle керек, оны бақылауға SAP керек, бұлт керек" деп, триллиард теңгеге шот береді. Оупен сорстар өзін сонша сарқып бітті ме? Басқа архитектураны қарасақ қайтеді? Жоқ. Бірден әлемнің грандтарынан бәленбай миллиардқа софт алу керек, бітті. Әрине, жемқорлық бар-ау деп күдіктенгенім содан. Әйтпесе облыстарда өз күшімен және стандарт технологиялармен төңкеріп жатқан адамдарды танимын.
3) Мағынасыз гламур. Тиктоктың бірдеңесімен меморандум, ютіпке жазылуды қосу, хакатон-макатондар, форумдар. Ал ауылдарда және қаланың аудандарында ентерлет әлі түберкүлез күйде.
4) egov хайуанаттар паркінің солайымен қалуы. Дым өзгермеді.
5) Әрине, басты кемшілігі — жеке бас құпиясы қауіпсіздігіне пысқырмауы. Ол тіпті үлкен тақырып, бұл жерде қаузап отырудың жөні жоқ.
Өсекші арналар отставкасын сан-саққа жүгіртіп жатыр. Ол өсектер әрине, қызық емес. Заңнан аттаған болса ел қатарлы жазалансын, ал аттамаған болса неміз бар. Болды.