Эшҡыуарлыҡ сәғәте “Бәләкәй һәм урта эшҡыуарлыҡ, шәхси эшҡыуарлыҡ башланғыстарына булышлыҡ итеү" милли проекты сиктәрендә аҙна һайын үткәрелә. Проекттың инициаторы мөлкәт буйынса ярҙам һорап мөрәжәғәт иткән. Осрашыуҙа ҡатнашыусының планында - һыу ятҡылығы янында уңайлыҡтар менән ҡунаҡ йорттары ҡуйыу. “Төбәгебеҙҙә эске туризмды үҫтереү үҫешә, был глэмпингтарҙы һәм ял базаларын ҡуртымға алыуға ихтыяжды күтәрә”, - тип билдәләне ул. Структура бүлексәләре белгестәре һайланған ер участкаһын рәсмиләштереү буйынса ғәмәлдәге ҡануниәт сиктәрендә аңлатма бирҙе. "Үҙегеҙҙең бизнес-идеяғыҙ йәки проектығыҙ тураһында белдерергә, шулай уҡ Эшҡыуарлыҡ сәғәтендә ҡатнашыу буйынса консультацияны бизнес-шәриф менән осрашыу ваҡытында алырға мөмкин. Унда ҡатнашыу өсөн ғәмәлдәге эшҡыуарҙар ҙа, шулай уҡ үҙ көсөн бизнеста һынап ҡарарға һәм үҙ эшен ойошторорға теләүселәр ҙә саҡырыла. Дүртөйлө районында үҙ эшен асырға теләгән эшҡыуарҙарҙы Эшҡыуарлыҡ сәғәтендә ҡатнашырға саҡырабыҙ. Бының өсөн ғаризағыҙҙы алдан республиканың Инвестиция порталында https://investrb.ru/ru/ һылтанмаһы буйынса теркәргә кәрәк", - тип билдәләнеләр Дүртөйлө районы хакимиәтендә. Билдәле булыуынса, “Бәләкәй һәм урта эшҡыуарлыҡ, шәхси эшҡыуарлыҡ башланғыстарына булышлыҡ итеү" (национальный проект “Малое и среднее предпринимательство и поддержка индивидуальной предпринимательской инициативы”) милли проекты Рәсәй Президенты Владимир Путиндың май указы менән булдырылды. Фото: Дүртөйлө районы хакимиәте.