"2023 СЫЛЫ МАХТАЛЫНАН АТААРАБЫТ, 2024 СЫЛЫ УРУЙУНАН КӨРСӨБҮТ"

«Наукаҕа бастакы хардыыларым” Бүтүн Арассыыйатааҕы оҕо чинчийэр, айар үлэлэрин күрэҕин, өрөспүүбүлүкэтээҕи «Я-профи” Чемпионат уонна улуустааҕы “Эдэр профессионаллар” Чемпионат кыайыылаахтарын, бары кыттыылаахтарын чиэстиир тэрээһин тохсунньу 12 күнүгэр ыытылынна. Директор Ангелина Владимировна кыттыбыт оҕолорго, педагогтарга дипломнары, онтон “Правохранительная деятельность” компетенцияҕа күүс-көмө, сүбэ-ама буолбут Сунтаардааҕы Ис дьыала отделын ДПС инспекторыгар, полиция лейтенана Ф.Э.Спиридоновка, эксперт-криминалист, полиция капитана Г.Г. Трофимовка махтал суруктары туттартаата. Бу күн улуустааҕы театральнай драматическай кэллэктииптэр икки ардыларыгар ыытыллыбыт «Алыптаах мааска” араадьыйа испэктээк күрэҕин кыттыылаахтара “Хамелеон” театральнай устуудьуйа (у/у сал. В.С.Зоммер) туруоруутугар “Саҥа дьыллааҕы дьикти киэһэ” инсценировканы көрдүбүт, Тымныы оҕонньор, Хаарчаана уонна 2024 сыл бэлиэтэ Дракон Эргэ саҥа дьылынан эҕэрдэлэрин иһиттибит, көрдөөх оонньууларыгар кытынныбыт.